Die Reefschlang

Een unheemliche Gediere Saag die in die Bariye vun Pennsylaania fer viele Yaahre rumgeloffe waar, waar die Gschicht vun der Reefschlang. Verschiddliche Gschichde vun der Saag sin darrich ganz Amerikaa gfunne un aa in Australia, awwer die Saag waar abaddichlich schtarrick do in Pennsylvaania. Die mythical Schlang, so es gsaat waar, waar so lang wie en Rasselschlang odder en Schwatzschlang, mit en vergifdete Hann odder Schticher uff ihre Schwanz. Die Deitsche Leit henn sie ass Hannschlang benaamt. Die Schlang daet ihr Schwanz in ihr Maul neischtecke un dann daet sich darrich der Busch in die Form vun en Reef rolle. Die Reefschlang hot sich so bewegt bis sie eppes gfange hot odder bis sie ins eppes geloffe hot. Wann sie eppes gschtriche hot, gmeenichlich en Baam, daet die Schlang abwickle un schtreich mit ihrem Schwanz. Der Baam daet bloh wende un schtarewe. Wann sie eppes aus Hols gschtiche hot, wie en Werkzeich odder en Fens, dann daete sie aa bloh wende un uffgwelle meh ass doppelt ihre Greess. Wann en Paerson vun der Schlang iwwerascht waar un waar net imschtand sich hinnich eppes zu verschteckle, daet er odder sie en grissliche Dod vun der Schlang ihr Gift leide.

En Reefschlang!
Mer muss schtarick weglaafe…do kummt en Reefschlang!

Do iss en Audioklip:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close