Guder Daag Blog Leser! Baseball, gebt es eppes meh Amerikaanisch? Vielleicht Ebbelboi odder unsre Faahne, awwer Baseball iss unser Schport. Ya, die Leit in Europe liewe ihre Soccer (odder soll ich Fuussball saage). Hoscht du gewusst ass die Pennsylvaanisch Leit aa Baseball gut schpiele kenne? Ya, mir kenne. Un es gebt ee paar Leit die es arrig gut gschpielt hen. Eens waar die Fern “Sholly” Shollenberger. Ya, du hoscht sell recht gelese….DIE Fern Shollenberger.
Die Fern waar in Humbarrig (Hamburg) Barricks Kaunty uff em 18. Moi 1923 gebore. Datt hot sie gelannt Baseball zu schpiele. Zum Glick hot es die gut bekannte GPBL (Girls Professional Baseball League) gewwe. Die GPBL waar in en abbaddiche gude Movie gezeigt “A League of their Own.” Die Fern hot vun 1946 bis 1954 fer Teams aus Kenosha un Kalamazoo gschpielt. Sie hot 3rd Base gschpielt un waar echt gut! Do iss en katze Record vun ihre Career:
*** Uff English: The AAGPBL’s official website describes Shollenberger as a “fine base runner, a clever, coaxing batter, and skillful third sacker and hard thrower”. Her career fielding percentage of .942 is the highest of any third baseman in AAGPBL history. Her best season statistically was her final season in 1954 in which she hit .268 with 8 home runs, 58 RBIs, and only struck out 12 times in 332 at bats. Her team, the Kalamazoo Lassies, would win the final playoff championship of the league. ***
Im 1988 waar die Schpieler vun re GPBL in die Baseball Hall of Fame in Cooperstown, Nei Yarrick eigefiehrt. So die Fern iss aa drin. Yep, en PA Deitsche Maedel iss in die Baseball Hall of Fame. Wie cool iss sell?!
Nooch ihre Spieldaage, iss die Fern zerick noch Humbarrig kumme. Datt hot sie uff die Hamburg State School un Hospital gschafft. Sie hot viel Activities mit die Patients gemacht. Drauericheweise iss die Fern un ihr Daadi uff em Grischtowed 1977 dodgemacht in en Accident mit en bsoffener Mann. Sie waar yuscht 54 Yaahre alt.
Do iss en Audio Klip:
PA Dutch 101 
En schtann fer sicher