Guder Daag Blog Leser! Es letschde Mol hawwich en Gedicht vun dem Ralph S. Funk geposchdet. Ich hab gedenkt ass vielleicht waar es Zeit fer en neie Version zu schreiwe. Der Funk hot so gut geduh, awwer er hot iwwer de alde Pennsylvaanisch Deitsch gschriwwe. Nau sin mir in em 21. Yaahrhunnert! So ich hab en Gedicht fer uns, die heit lewe, gschriwwe. Viel Gschpass bei lese!
Der 21. Yaahrhunnert Pennsylvaanisch Deitsch
Viel viel Yaahre zerick, sin sei Voreldere vun iwwer’m See kumme,
sie henn unser Land gebaut un hot es zu uns frehlich gewwe.
Var 50 Yaahre, hemmer es Land gebauert.
Heit duhne viel sell net meh, nau kaaft mer unser Esse im Supermarket.
Wie waerr es Wedder sei? Was die liewe Grundsau saagt?
In en Kalenner zu gucke? Nee, nau yuust mer en Internetblaat.
Es deitsche Schprooch waar iwwerall, net so oft nau.
Englisch kummt meh raus, viel saage Pig in Blatz vun Sau.
Ee paar Dinge sin noch so, hattschaffig, schtoppkeppich, un gedrei,
Scheierschtanne, Botboi, un Wascht, in de Yaahre die kumme, waerre die noch sei.
Nau wuhne mir newich un heiraade mir Leit aus annere Kuldur,
Gude Nochber un helfreich sin mir noch fer schurr.
Dann zu dem echtich, ehrlich Volk, kehrt Lob fer ihr Verschtand;
Wie Pennsylvaanisch Detische gebt’s ken bessere Leit im Land.
Do iss en Audio Klip:
PA Dutch 101 