Der Pennsylvaanisch Deitsch

Guder Daag Blog Leser! Des Woch will ich eppes duhe, es ich net oft duh. Ich will en Gedicht mit eich deele, es ich net gschriwwe hab. Neilich hawwich es Gedicht “Der Pennsylvaanisch Deitsch” widder gelese. Es Gedicht iss vun dem Ralph S. Funk (1889-1969) gschriwwe. Der Funk iss en arrig gut bekannte Dichter in unsere Mudderschprooch. Ich weess net wann er es gschriwwe hab. ‘Sis so gut gschriwwe ass ich denk, es iss wichdich do zu poschte. Viel Gschpass bei lese!

Der Pennsylvaanisch Deitsch

Er kummt doh rei vun iwwer’m See, un noh mit Schweez un Mieh

Glaar’d sich deel Land, baut sich en Haus un bringt Familie hie.

Naegscht kummt en Kaerrich, hie un do, in Ehr zum liewe Gott;

En Schulhaus aa, es Kinner meecht, deel lerne, wie sie sott.

Er waar vielleicht ee bissel schlau, un waar er g’heese dumm.

Doch in seim Gschefft viel besser, leicht, wie eenich ebber rum.

Un kummt des Land ee Mol in Not, hot er sei Deel geduh.

Mit ernschtlich Aerewet – un mit Geld – un gfochte noch dezu.

Als frieher hen sie ihn ausgschpott in Lerning un in Gleed,

Doch Schpetter hot er aus gelebt, un fromm, uffrichdich schteht.

In de letscht fimfunsiwwezich Yaahr ennert er sich gedicht;

‘S heesst Hoch Schul, College, heitesdaags, wu drei R’s waar’n als Pflicht.

In Witz iss er net hinnedraa, im Schreiwe net, gewiss,

im Lehre, in der Philosoph, un was gedriwwe iss.

‘Sis net gebrallt, schtatts en Credit, “der ernschtlich schafft, gewinnt,”

Denn unnich denne Deitsche Leit mer grosse Naame finnt.

Wie Pennypacker, Walter, Fry, mann wu bald yeders kennt;

Eisenhauer, Hoover, Appel, do sin yuscht paar genennt.

Dann zu dem echtich, ehrlich Volk kehrt Lob fer ihr Verschtand;

Wie Pennsylvaanisch Deitsche gebt’s ken bessere Leit im Land.

Do iss en Audio Klip: 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close