Guder Daag Blog Leser! Well, ‘sis widder Matz un in Lebanon Kaunty sell mehnt ass es widder Zeit fer der Zammelaaf iss. Des Yaahr alles waerrd uff die Lebanon High Schul sei.
Der Zammelaaf iss en arrig gude Gelegeheit viel iwwer unsre Schprooch, Kuldur, Kunscht, Gschicht, un Esse zu lanne un zu erlewe. Es gebt viel Verkaafer, Entertainment, Schwetzer, un Myusick. Ass mer uff die Flyer owwe sehne kann, gebt es viel zu sehne un heere. Un, net zu bralle, awwer es gebt en arrig gude Show um Vaddel eb drei Uhr. Ich hab gheert ass die zwee Kalls arrig luschdig sin. Um dich meh aazulocke, do iss es ganze Bichli iwwer es Event: 2018 Zammelaaf Bichli
Wann du glee bissel Zeit naegschde Samschdaag hoscht, un du wuhnscht net zu weit Weg, kumm mol nooch Lebanon un bsuch des Event! Wann du mich sehnscht, saag “Guder Daag” un dann kenne mir schwetze!
PA Dutch 101 
1 thought on “2018 Deitscher Zammelaaf!”