En Schneeschtaerm!

Guder Daag Blog Leser! Well do bin ich widder mit en neiem Blog Poscht. Selle Woch hemmer viel Uffreging do in Pennsylvaania ghatt. Frieh in re Woch hen die Weddermannsleit gsaat as mir en Schneeschtaerm uff em Wochend griege kennte. So bald as eppes so gsaat iss, geh die Leit verrickt! ‘Sis allsfatt luschdig zu seh wie die Leit sich verhalde. As die Woch am laafe waar, iss der Schtaerm greeser un greeser gwaxe. Bis Freidaag hen die Weddermannsleit gsaat as mir gschwichich 4 un 8 Inches griege kennte. In manche Bletze kennte sie meh griege. Nau, fer die Leser die net in Pennsylvaania wuhne, muss ich eppes auslege. Es Watt Schnee hot zwee Bedeitinge do in Pennsylvaania:

1. der Schnee – weisses, gefrornes Wasser, dass vun re Himmel runnerfallt.

2. der Schnee – en Watt dass fer viel Leit iss en Befehl nooch der Schtor zu geh. Datt misse sie Millich, Brot un Oier kaafe.

Unglicklicherwees, hen ich un mei Fraa uff em Freidaag gemisst nooch der Schtor zu geh um unsere Ess-sache zu kaafe. Aye aye aye, die Leit waare do un die waare all in “Griegmode”. Mann kennt denke as re Welt ihr End am kumme waar! Awwer so iss es do in Pennsylvaania wann es Watt Schnee gsaat iss! Mei Fraa un ich hen es Eikaafe iwwerlebt, awwer yuscht bloss.

Dann iss der Samschdaag kumme. Un ya, es hot gschneet. Es hot der ganze Daag gschneet un bis Sunndaagmariye hemmer do bei uns baut 6 Inches grickt. Nooch em Schtaerm gebt es en annere Wunder do in Pennsylvaania. Wann es Schnee uff em Grund un die Schtrosse gebt, vergesse all die Leit wie mer faahrt! ‘Sis waerricklich en Wunder. Normally, kann die Leit zimmlich gut faahre (ausser de Leit vun Nei Jersey). Awwer wann es Schnee gebt, all die Weddes sin weck! Zum Glick, hemmer net gemisst uff die Schtrosse zu geh.

Ich un mei Schneeschmeiser am schaffe.
Ich un mei Schneeschmeiser am schaffe.

Nooch en gudes Mariyeschtick bin ich drauss mit mei Schipp gange. Bevor ich mei Schipp geyuust hab, hab ich mei Schneeschmeiser geyuust. Sell iss so en wunnerbaar Ding. Es macht so en guder Tschopp. Wann ich mei Schneeschmeiser yuust, dann muss ich net so viel schaufele. Nau bin ich widder in em Haus un all die Arewet iss faddich. Nau kann ich mich dohiehocke un en Bier drinke…well bis der naegschde Schtaerm kummt odder bis die Fraa saagt as ich eppes duhe muss.

Mei Dochder iss froh as sie net drausse gehe muss um zu helfe!
Mei Dochder iss froh as sie net drausse gehe muss um zu helfe!

Wie viel Schnee hett dihr grickt? Seid dihr drauss gange um zu schlitte?

Do iss en Audio Klip:

2 thoughts on “En Schneeschtaerm!

  1. James (Jim) Kramer 18/12/2013 — 17:47

    Hallo liewwer Doug!

    I hoff’ ja, bei Eich gaht’s älles gut! Hier hot ma au e bissele Schnee g’kriegt: woisch, so viel haww i seit mein’r Kindheet net emol im Dezember g’sehe! Geschdre, Zaischdich (so nennt ma’n Dienstag uff Mundart) isch e bissele g’falle, die gute Frau Holle hot nomols `re Federbettle ausg’schüttelt. Heit isch au no e bissele g’falle, e Puderzuckerschnee nenn‘ i sell.

    I muss sage, Dei Döchterle isch ja echt niedlich! Se schaut e bissele wie (domols) mei Nichte aus, die awwer jetztle scho 22 Johr‘ alt isch. Die Jaclyne isch e Schö’heet, wie au Dei Döchterle—se schaut awwer im Bildle wie e richtige Prinzessin uffm Thron aus! So senn die gleene, gell? Un i ka‘ mi vorstelle, se hot au `n Papa um die Fingerle g’wickelt—ma isch halt net oft in d’r Lage, „Nee“ zu sage, wenn se een’n a’schaue un no um eppes bitte! I haww domols gornet nee sage könne! Jetztle hot mei Nichte au e Kindle un däs älls fängt nomols von vorne a‘!

    Dei Chrischdbaum hosch au scho uffg’stellt, gell? Däs isch awwer au schö! I au, awwer mein’r isch e gleener mit weisse Licht’le dra‘ un Lamette. Sellre altmodische Lamette aus mein’r Kindheet gibt’s gor nemma, weil’s aus Blei un „wer wees was no dezu“ g’macht worre isch. Schö isch’s gwä, awwer für die Kinner un Haustierele (mer hän Katze g’hot) g’fährlich. Nu, i bi‘ jo net d’r jüngschd, gell, awwer au no net stee’alt! I haww au ‘n Adventskränzle g’macht, Du weescht no, mit 4 Kerze (in Deutschland senn’s rote Kerze, hier mache’s viele Leit mit 3 lila un 1 rosa Kerze), i haww sell in letzchder Minute g’macht, also haww i die „Teelichter“ (die ma‘ zum Stövchen benutzt, um die Teekanne warm zu halte—so eppes isch hierzuland‘ au net grad gang un gäbe, gell?!) also senn mei Adventskerze gleene weisse un in der Mitte haww i a „Christuskerze“ au, un seller‘ Kerz‘ duht ma am Chrischddaag a’zünde. Nu, däs isch scho viel g’schriewwe, i weeis, awwer i bi‘ um die Weehnachtszeet e bissele sentimentell g’sinnt!

    Nu, i wünsch Di un Dei Liewwe g’segnete Weihnachte, e „gute Rutsch ins neie Johr“ wie ma so gär‘ sagt, un alles Gute für Leib und Seele—vom Guten nur das Allerbeste! I wees net, ob bei Eich deheem `s Chrischdkindle od’r d’r Weihnachtsma‘ die G’schenke bringe duht—mer Chrischdeleit awwer wisse scho, alle gute Gabe kumme sowieso vun Gott u’srem Vater, un’s macht net viel aus, wie ma‘ däs dene Kinnerle erklärt, gell? Hauptsach‘ isch, die Freid un die Lieb‘, un däs ka‘ ma mit Geld net kaufe!

    Nomols frohe Weihnacht, un e g’sundes, g’segnetes Neies Johr 2014
    Wünscht Di un Dei Liewwe
    Dei
    Jim Kramer
    “Seller Pittsburgher Kerl!”

  2. Jim,

    Gross dank fer dei scheene Wadde. Ya, mei Dochder iss schee, awwer ich will net as denkt as sie en Keenichsdochder iss! Zu viel annere Maedels sin so, ich will mei Dochder net so hawwe! Awwer mir welle sehne wie es geht darrich die Zeit. Es Grischtdaagbaam iss uff un ready fer der Feierdaag. Die Gschenke sin schunn ready aa, nau misse mir yuscht waarde!

    Hallicher Grischtdaag an dir un deinre Familie!
    -Der Doug

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close