Guder Daag Blog Leser! Selle Woch will ich eppes iwwer mei Samschdaag schreiwe. Alle Yaahr gebt es in Harrisburg die greeschte Weis fer Drausschport in Amerikaa. Es heesst: die Eastern Sports and Outdoors Show. Geschder sin ich, mei Fraa un mei Bruder dattgange. Mir all sin Leit die viel Drause duhe. Die Weis hot so viel zu sehne gewwe! Sell waar hart zu glaawe. ‘Sis allsfat bei re Pennsylvaania Farm Show Complex. Die Complex hot meh as sex Gebeier, un alle waare mit Kumpanies un Leit voll gepackt!
Die zwee greeschde Schports fer die Weis waare Angle un Yaage. Es hot dausende vun Fischgatte un Boots gewwe, un arrig viel Flinte aa gewwe. Es hot aa viel Outfitters vun de ganze Welt gewwe. En Outfitter, is en Kumpanie, die mer yuust fer uff en Yaag odder fer Anglerees zu geh. Die Kumpanies waare vun schier gaar yeder Schtaat un viel vun Kanada un annere Lenner aa. Mer kennt en Safari in Sudd-Afrika odder in Zimbabwe buche, fer Salmon in Alaska angle odder fer Moose in Neifundland yaage. Alles was meeglich is, waare datt.
Es hot aa viel gleene Kumpanies gewwe. Kumpanies die hot viele Dinge zu verkaafe. Mer kennt Jerkey vun alle Wildgedeier kaafe, viel Camogleeder, Campingmaschiene, Gedierekunscht, Blockheiser, Hausrod fer Drause, Messer un so viel annere Dinge! Es waar warricklich zu viel zu sehne! Ich waar arrig mied wann mir alles darrichgange waare.
Es hot zehe Dollar gekoscht reizugeh un mir hen unser Kaarde uff em Internet kaaft. Sell waar gut, wann mir aakumme sin, misste mir net in der Line schtehe. Awwer ich muss ehrlich saage, es waar so voll! Ich weess net wie viel Leit datt waare, awwer es misste Dausende sei. Un in em Parkblatz waare alle die Maschine vun viele verschiddliche Schtaade.
Ich hab nix kaaft awwer mei Aage waare gross. Naegschdes Yaahr will ich fer schurr mol widder geh.
Do is en Audio Klip: En grosse Weis fer Schportleit!
PA Dutch 101 
Hi,
I was wondering if you would be able to help with a PA dutch question?
I’m looking through my workbook that I have and trying to study and it asked me to translate “She will go to church”. It doesn’t tell me how to say *will*. I think it will be “Sie *will?* in die Gemee geht” But I just don’t know about the Will, it confuses me because I do know that to say “I want to” is “Ich Will”.
Do you think you could help un-confuse me? 🙂 If my question is too unclear just let me know it was hard for me to explain. THanks so much,
Kate
Kate,
To form the future tense in PA Dutch use this construction: waerre + inifinitive at the end of the sentence. Waerre = to become or will. Here is the conjugation of waerre:
Ich waer
Du waerscht
Er, Sie, Es waerd
Mir waerre
Ihr waerret
Sie waerre
Your sentence would be: Sie waerd in die Karrich (in dir Gemee) geh.
I hope that helped, let me know if you have any other questions.
Der Doug
Dear der Doug:
Schreibst du “die” in “die Eastern Sports and Outdoors Show” weil “Weis” is feminine?
Der Joe
Joe,
Gude Frooge. Weis is en Watt as ich gemacht hab. Es gebt weise (to show) so ich hab en Noun rausgemacht un hab es Feminine gemacht. Es gebt ken Watt fer Show uff Deitsch. Veilleicht sett ich yuscht “Die Show” geyuust. Weesscht du ob es en Watt fer Show uff Deitsch gebt?
-Der Doug
Doug:
Sell is en gut Watt, ich glaab. Es gebt so viel PG Warte as ich noch net weess. Awer wann ich “Weis” g’sehne hab, hab ich verschtanne was du meenscht.
Joe
Auf Hochdeutsch wird aus show Schau gemacht.
Gruß Steffi