Guder Daag alli-epper! Well ich bin endlich zerick. Ich un mei Motorcycle sin iwwer 7,300 Meile darrich unser scheene Land gfaahre.
Ich bin darrich 18 Schtaate un 4 Zeitzones gfaahre. Ich hab 1,233 Pickder gnumme un hab 146 Galluune Gas kaaft.
Es waar waericklich en Adventure. Ich hab viel scheene Leit aagedroffe. Die Leit im Weschten sin arrig nett un paerseenlich. Viel Leit sin zu mir kumme un hen gsaagt: “Aye aye aye Pennsylfaania…du bischt weit Weck vun heem.”
Ich hab viel Zeit in viel vun unsere National Parks rumgebrocht. Sie sin unsere Schatze. Ich muss ehrlich saage as alle Amerikaaner solle sie ee Zeit bsuche.
Do sin ee paar Pickders vun meinre Rees:
- Do is en Bison in Teddy Roosevlet National Park in Naad Dakota.
- Do sin ee paar Bariye in Glacier National Park, Montana.
- Ich in en grosse Redwood Baam!
- Ich un der Grand Tetons in Wyoming.
- Sell is der “Alde Gedreilich” in Yellowstone Naitonal Park.
- Alli-epper weescht as sell is der Mount Rushmore!
Nau as ich daheem bin, kann ich widder uff em Blog schaffe. So geb Acht alle Woch fer en neie Poscht. ‘Sis gut widder zerick zu sei, awwer es waar aa wunnerbaar so viel vun meim Land zu sehne.
PA Dutch 101 
Ausgezeichnet! In August haben du und ich viele Meile gereist! Aber die Türkei ist besser. =D
Deine Fotos sind sehr fantastisch! “Çok güzel” in Turkisch. Du hast nur 1,233?! Du musst mehr schreiben!
[Ich versuche Deutsch sprechen, haha…]
Hi Doug, ‘s iss schee fer heere, ass du guud widder heem kumm bischt naach Pennsylvaani. Alles bescht.
Du hast viel Gutes getan während seine Sommer Urlaub gemacht. Die Bilder sind wirklich wunderschön! Bist du schon nach Texas gereist?
Nee, ich bin net nooch Texas gfaahre. Ich waar yuscht im Naade Staate: MI, WI, MN, ND, MT, ID, WA, OR, CA, NV, UT, WY, SD, IA, IL, IN un OH.
Vielleicht naegschde Mol kann ich nooch Texas faahre…ich bin nooch net datt.
Scheene Pickder. Ich auch will zum Wescht gehen.
‘S iss arrig gschpassich… ich bin am wunnere, weescht du was “grands tetons” meent in Franzeesisch !?
Proudfoot:
Ich glaab as Grand Teton in Franzeesisch is “Grosse Ditz” in Deitsch.
Recht, unn aa… net der meescht polite Weg fer’s saage!
Well, scheeni Fotos! So ne Reise hawwich aa uffemol geduh. Im Yaahr 1974 binnich iwwerall im wilde Wescht gange awwe am Hitch-hiking waar ich. Sell Sommer binnich fer 3 Wooche noh Dennimak un Deitschlann gange un hab aa en Haafe vun Fotos in mei Waddefresser.
‘s freit mich fer dei Geschichte leese!
bil