En neier Baapscht!

Guder Daag Blog Leser! Well selle Woch waar en wichdigi Woch fer die Gschicht. As vielleicht all vun eich schunn wisst, hemmer en neier Baapscht in Rom. Ich hab gedenkt, sell waerrd en gudi Idea fer en Poscht sei. Ich bin net Katholisch, awwer ich find alles mit em Baapscht so inderessant. Die Gschicht iss so alt un mir duhne graad wie mir eb dausend Yaahr geduh hen. Die Pomp un Bracht iss eppes zu seh. Ich weess, as viel Leit saage as alles altmodisch un net notwendig iss, awwer ich gleich es.

Der ald Baaspscht, der Benedict XVI (en Hochdeitscher), hot die Welt zerick in Hanning iwwerfalle wann er gsaat hot, as er die Tschopp net meh duhe kennt. Er hot gsaat as er in die Ruh setze gewollt hot. Er waar der aerschd Baapscht zidder der Gregory XII, der net in Affis gschtarewe iss. Der Gregory hot sell im Yaahr 1415 geduh! So as dihr sehne kennt, waar sell en langi Zeit! Wann der Benedict sell gsaat hot, hot die Karrich gemisst en neier Baapscht zu finne un zu waehle.

Baapscht Benedict der XVI.
Baapscht Benedict der XVI.

So letschde Woch sin all die Kardinals vun re ganze Welt nooch Rom kumme um en Kollege zu haalde. All die Kardinals hen sich in re Sistien Chapel gsammelt. Datt sin sie gebliwwe bis sie en neier Baapscht gewaehlt hen. Wie wisse mir wann sie ihr Tschopp geduh hen? Mir misse fer der Schmok gucke. Ya, der Schmok! Es gebt zwee Schmoke: schwatz un weiss. Wann der Schmok schwatz iss, iss die Antwatt Nee, awwer wann der Schmok weiss iss, gebt’s en neier Baapscht.

Der weiss Schmok: mir hen en neier Baapscht.
Der weiss Schmok: mir hen en neier Baapscht.

Uff em 13. Matz iss en neier Baapscht gewaehlt. Die Kollege vun Kardinals hen, Jorge Mario Bergoglio aus Argentina gewaehlt. Er iss der aerschd Baapscht vun Suddamerikaa. Sei neier Naam iss Baapscht Francis. Er iss der 266. Baapscht in re Katholische Karrich ihre Gschicht. Sei Motto iss: Miserando atque eligendo (Niddrich, awwer gewaehlt). Er iss en grosser Fechder fer die aarme Leit. Mol sehne in wellre Richting er die Karrich fiehre waerrd. Ich winsch ihn viel Glick mit seinre neie Tschopp.

Der nei Baapscht: der Francis.
Der nei Baapscht: der Francis.

Do iss en Audio Klip: En eneir Baapscht!

 

4 thoughts on “En neier Baapscht!

  1. monty ehrich 16/03/2013 — 15:40

    Hiya!

    Iss es all recht mit dich, oss ich dei boscht laysa uff meim YouTube Channel?

    Danka. My YouTube Channel is Fersomling.

    Machs guud.

    Date: Sat, 16 Mar 2013 13:56:13 +0000 To: montyehrich@hotmail.com

  2. Monty,

    Sell geht. Ich bin froh as du dich es yuust!

    -Der Doug

  3. Philip Campbell 27/03/2013 — 09:16

    As a Pennsylvanian German Catholic, Ich dank dir fer sell blog!

  4. Philip,
    Ich bin froh as du es gelese hoscht!
    -Der Doug

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close