Yawell, nau iss en annere Oschder vorbei. Ich hab gedenkt ass ich eppes iwwer Oschder schreiwe soll. Oschder, wie viel vun eich schunn wisst, iss arrig wichdig fer uns grischtliche Deitsche. Es gebt viele Traditions fer Oschder aa. Ich will eppes saage iwwer wie mei Familye unsere Oschder gfeiert hot. Loss mich vun de Daage var Oschder aafange. Mei Mudder hot alle Yaahr ich un mei Bruder en neie Outfit fer Oschdersunndaag gekaaft. Mir hen gemisst eppes neies in re Karrich draage.
Uff em Griedunnerschdaag hen mei Mudder un Grossmudder Oier gfarebt. Sie waare allsfatt so schee wann sie faddig waare. Oft waare sie mit Zwiwwelschaale gemacht. So viele unnerschiddliche Farewe.
Uff em Karfreidaag sin mir uff re Oieryacht gange, der bei der Feier Kumpanie waar. Es hot so viel Kinner gewwe…un alle sin schtarrick un raubaschdich darrich em Grass gloffe um die Oier zu finne. Wann alles faddig waar, hot es viel Prizes gewwe, wie zu Beischpiel grosse Schoklaade Haasli!
Uff em Samschdaag hen ich, mei Bruder, un unser Daadi Pissebett (Biddre Selaat) gyaagt. Mir sin darrich die ganze Hof gange um die griene Blans zu finne. Sell waar net so leicht. Mer muss mol gut gucke um es zu finne. Wann mir faddig waare, hen mir gemisst die Pissebett zu butze.
Endlich waar es Oschdersunndaag. Arrig frieh waare mir wacker un hen unsere neie Gleeder aageduh. Mir sin in die Kich gange un hen gsehne was der Oschderhaas gebrocht hot. Dann sin mir uff re Karrich gange. Die Karrich waar allsfatt voll mit Blume, abbadich hot es viel Moiblume un Schtannblume gewwe. Alles hot so gut geroche. Mir hen haarliche Lieder gsunge iwwer dem Grischdus sei Auferschtehung.
Nooch sell sin mir heem gange um en gross Esse zu hawwe. Alle Yaahr fer Oschder hen mir Schunkefleesch, Filse, Pissebett mit hees Schpeck Dunkes, Aerebse, Brot un Brieh gesse. Fer Nooch-esse hot es en Boi un en Kuche gewwe. Nooch em Esse hen mir Kaarde gschpielt.
Dazu Grischtdaag, Oschder waar, un iss arrig gut gegliche bei mir. Ich bin allsfatt froh wann ich an Oschder denke. Was hett alle vun eich zu Oschder geduh? Schreib mol dei Oschder Traditions!
Do iss en Audio Klip:
Yes well, now another Easter has passed. I thought that I should write something about Easter. Easter, as many of you know, is very important to us PA Dutch who are Christian. There are many traditions associated with Easter. I want to tell about how my family celebrated Easter. Let me begin with the days before Easter. Every year my mother bought my brother and myself a new outfit for Easter Sunday. We always had to wear something new to church.
On Maundy Thursday my mother and grandmother colored eggs. They were always so pretty when they were finished. Often they were done with onion skins. So many different colors.
On Good Friday we went to the egg hunt that was held at the fire company. There were so many children…and they all ran so fast and roughly through the grass to find the eggs. When everything was done, there were prizes, for example a large chocolate rabbit.
On Saturday, my brother, our dad and myself hunted dandelion. We walked all over the yard trying to find the green plant. One really has to look to find it. When we were finished, we had to clean it. That wasn’t so easy.
Finally it was Easter Sunday. We woke up really early and put our new clothes on. We went into the kitchen to see what the Easter Bunny brought us. Then we went to church. The church was always full of flowers, there were especially many daffodils and hyacinths. Everything smelled so good. We sang glorious songs about Christ’s resurrection.
After that we went home to have a large meal. Every year for Easter we had ham, potato filling, dandelion with hot bacon dressing, pease, bread, and gravy. For dessert there was a pie and a cake. After the meal we all played cards.
With Christmas, I really like Easter. I am always happy when I think about Easter. What did all of you do for Easter? Write your Easter traditions!