PA Dutch 101

PA Dutch 101 Logo
Menu
SHOP

Friehyaahr Wadde!

By /

Guder Daag Blog Leser! Well nau is der Abrill schunn vorbei. Abrill un Moi hawwich gaarn. Es Friehyaahr bringt so viel: frische Geruche, frische Farewe un waarme Temperatures. Ich hab gedenkt as selle Woch waerr ich en Lischt vun Wadde fer es Friehyaahr gewwe.  Die Wadde, die ich gewaehlt hab, sin die Wadde die Friehyaahr zu mir saage.

die Amschel - die sin die aerschde Veggel zerrick nooch em Winder zu kumme.
die Amschel – die sin die aerschde Veggel zerrick nooch em Winder zu kumme.
der Bittreselaat / der Pissebett – der waxt in em Graas. Ich ess der arrig gaarn mit heese Schpeckbrieh un Oier.
die Dullebaan – die kumme in so viele verschiddliche Farewe!
die Pingschtblumm – die hawwich arrig gaarn. Uff re Bauerei wu ich uffgewaxne bin hemmer viel Pingschtblumme ghatt. Nau wann ich sie seh odder riech, denk ich graad uff mei Heemet.
die Gichtros – Uff unsre Bauerei hemmer aa viel Gichtrosse ghatt. Ich gleich die Iemense zu schaue, sie fresse die Blumme uff…un dann rieche sie so gut!
die Schisselblumm – die kumme arrig frieh in es Freihyaahr. Heitzudaag sin die Schisselblumm die Symbol fer die Amerikaanische Grebs Gsellschaft.
es Hundsholz – eene die aerschde Beem die ihre Blumme griege iss die Hundsholz. Ich hab een in mei Gaarde un ‘siss in vollblumm…guckt arrig schee aus.
Bockbier – es Friehyaahr iss nicht yuscht Blumme un Veggel. Ich lieb es Freihyaahr aa fer es Bockbier! Bockbier iss en Bier es yuscht im Friehyaahr gedrunke iss. Der Yuengling Brauerei macht en arrig gude Bockbier.

Die sin yuscht ee paar Wadde fer es Friehyaahr. Welle Wadde sin Friehyaahr zu eich? Schreib mich en Comment un loss mich mol wisse!

Scroll to Top