Halliches Nei Yaahr, liewe Leit! Yep, nau iss es schunn widder Yenner un so beginnt en neies Yaahr aa. 2025…Harriyessus, wu iss 2024 gange? Yuschualli schreib ich mei Winsch fer eich in es nei Yaahr, awwer des mol will ich eens vun dem Schreiwer, der Frank H. Oberholtzer gewwe. Do iss Frank sei Winsch un aa mei Winsch fer eich im 2025!
In dem Yaahr was iss verbei
Waar des Hatz ebmols wie blei.
Wieviel Dreene – ach, so heess –
In de Aage, Gott yuscht weess!
Darrich des all sin mir noch do –
Gehn ins neie Yaahr, un so,
Loss uns fasse frischer Mut,
Un yuscht halde was waar gut.
Ich winsch eich im neie Yaahr,
Mehner Glick ass wie devor;
Langes Lewe un Gsundheit
Un aa vieli Hallichkeit.
Meecht ihr frei vun Sarye sei,
Luschdich un doch aernscht debei;
Un en seeliches Schicksal,
Des soll kumme zu eich all!
Do iss en Audio Klip:
Happy New Year, dear people! Yep, now it is already January and so begins a new year. 2025…my goodness, where did 2024 go? Usually I write my own wish for all of you in the new year, but this time I want to give you one from the author, Frank H. Oberholtzer. Here is Frank’s wish and my wish as well for you in 2025!
In this year that is just past
The heart was sometimes like lead.
How many tears – oh, so hot –
In the eyes, God only knows!
But through all that we are still here –
We go into the new year, and so,
Let us grasp new courage,
And keep only what was good.
I wish you in the new year,
More luck than before;
A long life and health
And also much jollity.
May you be free of cares,
Happy and yet also serious;
And spiritual fortune
Should come to you all!