Well ‘sis Aagscht un mir sin in de Hunde Daage vun Summer. Do in Pennsylvaania iss es gemeenerhand in schpot Tschulei un Aagscht heess un schmodich. Ya well, mir sin nau in de “Hunde Daage vun Summer”. Mir alle kenne des Ausdruck, awwer ferwas saage mir es? Ich hab aa net gewusst, so ich bin im Internet gange um en Andwatt zu finne.
Die Hunde Daage vun Summer sin die heesse, schmodiche Daage vun Summer. In re Gschicht waare sie die Daage noch dem Uffgang vun der Schtann Sirius. Die Greeks un die Romans hen die Schtann Sirius ihr Uffgang mit Hitz, Drickning, Dunnerwedder, Fiewer, verrickte Hunde un schlechte Glick zammeghenkt. Heitzudaage sin es es heesschte un umleidichschte Deel vun dem Summer in der Naddhalbkuggel.
Der Englische Naame iss en Calque vun der Latein (dies caniculares – “Hundli Daage”) un sell kummt aus der Greek (κυνάδες ἡμέραι [kynádes hēmérai] – “Hunde Daage”). Fer die Greeks die Schtann Sirius waar die Hund Schtann weil sie der Orion in die Himmel nodappt.
Noch der Old Farmer’s Almanac, sin die Hunde Daage die 40 Daage vun der 3. Tschulei bis der 11. Aagscht. Es gebt aa des:
Die alde Leit glaawe as Regge uff de Hunde Daage waar es schlechtes Aazeeche:
“Hunde Daage hell un glaar zeige en glickliches Yaahr aa; awwer wenn mit Regge begleedt sin, fer bessere Zeide, unsre Hoffning iss umsunscht.“
un
“Hunde Daage kumme; du musscht Hoi un Eil mache wann die Sunn scheint, fer wann alde Sirius Adder vun em Wedder nemmt, iss er so en schwankicher, verrickter Hund, es gebt ken Abhengichkeit uff ihm.” – Old Farmer’s Almanac, 1817.
Fer mich die Hunde Daage sin net so schlecht, ich hab mei Air Conditioner! Wie iss es bei eich? Gleicht dihr die Hunde Daage vun Summer?
Do iss en Audio Klip:
Well, it is August and we are in the Dog Days of Summer. Here in Pennsylvania it is normally hot and humid in late July and August. Yes well, we are now in the “Dog Days of Summer”. We all know the expression, but why do we say it? I also didn’t know, so I went to the internet to find the answer.
The Dog Days of Summer are the hot, humid days of summer. In history they were the days after the rising of the star Sirius. The Greeks and the Romans associated the rising of Sirius with heat, drought, thunderstorms, feaver, crazy dogs and bad luck. Today they are the hottest and most uncomfortable part of the summer in the northern hemisphere.
The English name is a calque of the Latin (dies caniculares – “Days of the Dog”) and that comes from the Greek (κυνάδες ἡμέραι – “Dog Days”). For the Greeks the star Sirius was the dog star because it followed Orion in the sky.
According to the Old Farmer’s Almanac, the Dog Days are the 40 days from teh 3rd of July to the 11th of August. It also says:
The old folks believe that rain during the Dog Days were a bad omen:
“Dog Days bright and clear will also bring a lucky year; but when they are accompanied with rain, our hope is for better times.”
and
“Dog Days are coming; you must hurry and make your hay while the sun shines, for when old Sirius takes command of the weather, he is such a unsteady, crazy dog, you can’t depend on him.” – Old Farmer’s Almanac 1817.
For me the Dog Days aren’t so bad, I have air conditioning! How is it with you? Do you like the Dog Days of summer?