Well liewe Leser, mei Summer iss nau warricklich vorbei. Des Woch hab ich gegrische: “Do kumme die Kinner!”. Ya, Dinschdaag waar der aerschde Schuldaag fer selles Yaahr.
Der aerschde Daag iss allsfatt schee. Die Schtudente sin arrig froh alle ihre Freinde widder zu sehne. Ich muss aa saage, dass die Schulmeeschdern sin aa froh die Kinner widderzusehne…well, net all die Kinner, awwer am menschde!
All die Schtudente schtehe in dem Gang un schwetze iwwer was sie alles im Summer gemacht hen. ‘Sis allsfatt schee all die Gschichte zu heere…well, net all die Gschichte, awwer am menschde! Was arrig schee iss, wann ich die Schtudente zum aerschde Mol seit Tschuun seh. Mannichmol sehne sie ganz annerschder aus. Viel hen so viel gwaxe, as ich sie net kenn. Warricklich!
Ich glaab selles Yaahr waerd en gudes Yaahr sei. Ich hab en Gruppe vun Hochdeitsch I, dann een Gruppe vun Hochdeitsch II, un mei Hochdeitsch III un IV sin in die gleiche Klaess zamme. Selles Yaahr hab ich aa en Gruppe vun AP Europaische Gschicht. AP iss en abaddiche Klaess. Sell is fer die Kinner die an der College geh wolle. Die Klaess is arrig hatt un gebt viel Arewet. Ich hab yuscht sex Schtudente in re AP Klaess…un all sex sin gut un gewissehaft. Ich weess schunn as sie all de Arewet duhe waerre. Ich hab aa zum aerschde Mol en Klaess iwwer Amerikaanische Regiering. Des iss en “Dual-Enrollment” Klaess. Sell mehnt ass wann die Kinner es gut verschtehne, kenne sie drei College Credits vun Pennsylvania College vun Technology griege mitaus Koscht!
Denk mol nooch an deim aerschde Schuldaag. Was fallt eich bei? Waart dihr aa froh widder in September mit re Schul aazufange? Waart dihr aa froh eire Freinde widderzusehne?
Do iss en Audio Klip:
Well dear reader, my summer is now really over. This week I screamed: “Here come the kids!”. Yep, Tuesday was the first day of school for this year.
The first day is always nice. The students are really happy to see all of their friends again. I must say, that the teachers are also happy to see the kids again…well, not all of the kids, but most of them!
All of the students stand in the hall and talk about what they did in the summer. It is always nice to hear the stories…well, not all of the stories, but most of them! What is really nice, is when I get to see my students again for the first time since June. Sometimes they look very different. Many of them grow so much, that I don’t even know them. Really!
I think this year will be a good year. I have a group of German 1, then a group of German 2, and my German 3 and 4 are in the same class together. This year I also have a group of AP European History. AP is a special class. That is for children that want to go to college. The class is really hard and there is a lot of work. I only have six students in that class this year…and all six are gut and conscientious. I already know that they will do all of the work. I also have for the first time a class about American Government. This is a “dual-enrollment” class. That means that if the students pass everything, they can get three college credits from Pennsylvania College of Technology at no cost!
Think back to your first day of school. What do you remember? Were you happy to start school back up again in September? Were you also happy to see your friends again?