Hallicher Gebottsdaag Amerika! Uff em 4. Tschulei waerrd mei Land, unser Land, 250 Yaahre feiere. So lang hen viel Lenner net gelebt, des wisse mir schunn. Zerick im Yaahr 1776 in Philadelphia hen 56 Menner ihre Naame uff en Blatt Babier unnergschriwwe. Was sie gemacht hen waar Verrot gege ihr Keenich…en Verbreche mit grosse Noochfolye. Ihr neies Land waar net en Land mit en Keenich odder Keenichin, net mit en Keenichsoh, net mit en Duke, net mit en Karrich. Ihr neies Land waar en Land mit en Gedanke un en Glaawe in Freiheit, Gleichheit, un Unabhaengigskeit. En Paerson kennt lewe wie er odder sie gewollt hot. Iwwer die Yaahre hot mei Land viel Erfolg ghatt awwer es hot aa viel Druwwel aa ghatt. Schklaaverei, was mir zu de Insching gemacht hen, Racism, un viel annere Sache sin aa in unsre Gschicht. Awwer mir hen aa viel Gudes geduh. Awwer die Arewet vun de Leit im 1776 iss noch net faddich gemacht. Yede Generation muss aa schaffe um die Grundgedanke vun unserem Land zu achieve. Heit, uff unsere 250. Gebottsdaag sing ich laut mit Schtolz in mei Hatz die Wadde vun em John Birmelin sei Lied “Amerikaa.” Ich hoff ass du aa mitsinge witt.
Amerikaa
Mei Land ich sing vun dir,
Siess iss die Freiheit mir,
Do will ich sei;
So wie die alde Leit,
So fiehl ich aa noch heit,
Bin dir zu yedre Zeit
Immer gedrei.
An Felsebarriye naus,
Iwwer die Wolke drauss,
Ring Freiheitsklang!
Winters im diefe Schnee,
Summers wann’s Feld mit Glee,
O Land, wie bischt du schee,
Kling Freiheits Gsang!
Unsrer Voledre Gott,
Fiehr uns in yedre Not,
An deinre Hand!
So lang mir dir gedrei,
Bleibt des Land gross un frei;
Du sollscht uns Keenich sei,
Schutz unserm Land.
Do iss en Audio Klip vun “Amerikaa” vun mir gsunge:
Happy Birthday America! On the 4th of July my county, our country, will celebrate 250 years. Many countries have not lived that long, that we all know. Back in the year 1776 in Philadelphia 56 men singed their names to a piece of paper. What they did was treason against their king…a crime with great consequences. Their new country was not a country with a king or queen, not with a prince, not with a duke, not with one church. Their new country was a country with ideas and a belief in freedom, equality and independence. A person can live how he or she wanted to. Over the years my country has much success but it also had its troubles. Slavery, what we did to the Native Americans, racism and many other wrongs are part of our story. We also did many good things too. But the work of the people in 1776 is not complete. Every generation must also work to achieve the grounding principles of our country. Today, on our 250th birthday, I sing loudly with pride in my heart the words of John Birmelin’s song “America.” I hope that you want to sing too.
America
My country I sing of thee,
Sweet to me is the freedom,
Here is where I want to be;
Just like the older people,
I feel the same way today,
To you in every age
Always faithful.
From the mountain rocks,
Over the clouds above,
Rings freedom’s sound!
Winters in deep snow,
Summers when the fields with clover,
O country, how pretty you are,
Ring freedom’s song!
The God of our ancestors,
Lead us through all trouble,
With your hand!
As long as we are faithful
Our country will stay great and free;
You should be our king,
Protect our country.