Uff em Dinschdaag iss en arrig bekannter Feierdaag do in Amerikaa. Fer uns Deitsche iss es yuscht en annere Daag, odder vielleicht en Daag wu mer en Bier drinke kennt. Dinschdaag iss dem Sankt Patrick sei Daag. Fer die irische Leit iss es ihr Daag im Yaahr.
Sankt Patrick iss een vun de bekannteschde Heilichi in re Welt. Er iss der Apostel vun Irland. Er waar bei Kilpatrick, net weit Weg vun Dumbarton, Schottland in em Yaahr 387, gebore. Er iss uff em 17. Matz im Yaahr 461, bei Saul, Downpatrick, Irland, gschtarewe. Sei Eldere waare Caplurnius un Conchessa, allebeed waare Reemer die im Reemische Britain gewuhnt hen.
Ass der Patrick 14 Yaahre alt waar, waar er nooch Irland ass en Schklaaf genumme. Zu re Zeit waar Irland en Land vun Druids un Heide. Er hot ihre Schprooch un ihre Kuldur gelannt. Ass er en Schklaaf waar, iss er nooch Gott gedreht. Er hot gschriwwe:
“Dem Gott sei Lieb un sei Bang in mir sin meh un meh gwaxse, so ass mei Glaawe, un mei Seel nuffgange iss. Ich hab in em Busch un uff de Bariye gebet. Ich hab ken Schnee, ken Eis odder ken Rege gfiehlt.”
Dem Patrick sei Gfangnerzeit iss bis er 20 Yaahre alt ausgedauert. Er hot en Draam, in dem die irische Leit gsaat hen “Mir beddle dir, heiliche Yung, kumm un laaf um uns rum.” Awwer der Patrick iss vun Irland fattgange un hot aagfange mit sei Lanning fer en Briescht zu sei. Schpeeder iss der Patrick en Bischoff aagsetzt un iss zerick nooch Irland gange um re Watt vun Gott an die irische Leit beizubringe.
Der Patrick hot viele irische Leit bekehrt. Er un sei Yinger hen oft gebreddicht un hen dausende bekehrt. Viele Karriche sin darrich es Land uffgebaut. Keeniche un ihre ganze Familyes sin zu Grischt bekehrt ass sie dem Patrick sei Wadde gheert hen.
Der Patrick hot gebreddicht un hot es ganze Irland fer 40 Yaahre bekehrt. Er hot viele Wunner geduh un hot viel iwwer sei Lewe mit Gott gschriwwe.
Ferwas en Glee? Der Patrick hot der Glee geyuust um die Dreieenichkeit auszulege un nau iss es en bekannte Aazeeche vun Irland.
Der Patrick waar en demiedicher, frommer, sanfter Mann, der sei Lieb un Aadenk an Gott en Beischpiel fer all vun uns sei soll. Er hot gaar nix gefarricht, aa net dem Dod. Sei Verdrauer an Gott waar so vollschtendich ass es hatt iss fer uns zu verschteh.
So uff em Dinschdaag, denkt glee bissel an der Mann der an so viel Leit denke….un drink mol glee bissel Guiness in sei Ehr.
Do iss en Audio Klip:
Tuesday is a very well-known holiday here in America. Fo us PA Dutch it is just another day, or maybe a day when we can drink a beer. Tuesday is St. Patrick’s Day. The the Irish people, it is their day of the year.
St. Patrick is one of the best known saints in the world. He is the patron saint of Ireland. He was born near Kilpatrick, not far from Dumbarton, Scotland in the yar 387. He died on the 17th of March, 461 near Saul, Downpatrick, Ireland. His parents were Caplurnius and Concessa, both were Romans who lived in roman Britain.
When Patrick was 14 years old, he was taken to Ireland as a slave. At that time, Ireland was a land of Druids and heathans. He learned their language and their culture. While he was a slave, he turned to the Christian God. He wrote:
“God’s love and his fear grew more and more within me, so that my faith and my soul were lifted up. I prayed in teh forest and on the mountains. I never felt any snow, any ice, or any rain.”
Patrick’s time in slavery lasted until he was 20 years old. He had a dream in which the irish people told him “We beg you, holy one, come and walk around with us.” But Patrick left Ireland and started his schooling to be a priest. Later Patrick was made a bishop and went back to Ireland to teach the word of God to the Irish.
Patrick converted many Irish people. He and his apostles would often preach and convert thousands of people. Many churches were built throughout the land. Kings and their entire families converted to Christianity when they heard Patrick’s words.
Patrick preached and converted people for over 40 years. He performed multiple miracles and wrote much about his life with God.
Why clover? Patrick used clover to explain the trinity and now it is a well-known symbol of Ireland.
Patrick was a humble, devout, gentle man, whose love and remembrance of God should be an example for all of us. He did not fear, not even death. His trust in God was so complete that it is hard for us to understand.
So on Tuesday think a little about the man that so many people think about…and drink a little bit of Guiness in his honor.