Mir Pennsylvaanisch Deitsche sin glee wennich awwerglaawisch. Ok, vielleicht sin mir meh ass glee wennich. Wie ich en Kind waar hawwich oft Awwerglaawe vun mei Grosseldere gheert. Mannichmol waare sie unheemlich, die hawwich net geglaabt. Mannichmol waare sie recht gut, die hawwich geglaabt.
Im 1915 hot der Dr. Edwin Miller Fogel es Buch, “Beliefs and Superstitions of the Pennsylvania Germans,” gedruckt. Es Buch iss 387 Bledder lang un hot 2,085 Awwerglaawe drin. Aye yummer, nau sell iss awwer viel, gell? Viel devun sin mir gut bekannt, awwer es gebt aa Awwerglaawe in em Buch, die sin nei zu mir.
Ich hab yuscht ee paar rauspickt mit eich zu deele:
“Iwwer epper sei Schulter in der Schpiggel gucke, bringt schlecht Glick.”
“Wammer uff en Greizweg Geld finnt, soll mer es leie losse, schunscht hot mer Unglick.”
“Wann en Komet am Himmel schteht, gebt’s Grieg.”
“Wann die Hinkel graehe un die Weibsleit peife, iss es en schlechti Sein.”
“Wammer Pohaahne Feddre im Haus hot, griege die Maed in der Familye Menner.”
“Wer en weissi Schpinn sehnt, schtarebt.”
“Wann en Pickder vun er Wand fallt, bedeitet en Leicht.”
“Wammer en Katz in der Schpiggel gucke losst, laaft sie net fatt.”
“Wammer ziegt ins neie Haus, nemmt ken Oier mit.”
“Wammer Essig macht, misse drei Weibsleit neiblose.”
So was denkscht du? Glaabscht du an soddiche Dinge? Gebt es en Awwerglaawe die du kenntscht? Schreib es mol in die Comment Section do nunner! Gut Glick!
Do iss en Audio Recording:
We Pennsylvania Dutch are a little superstitious. Ok, many we are more than a little superstitious. When I was a child, I often heard superstitions and sayings from my grandparents. Sometimes they were weird, those I didn’t believe. Sometimes they were good, those I did believe.
In 1915, Dr. Edwin Miller Fogel published the book, “Beliefs and Superstitions of the Pennsylvania Germans.” The book is 387 pages long and has 2,085 superstitions. My goodness, that is a lot, right? Many of them were well-known to me, but a few were ones that I had never heard before.
I picked just a few out to share with you:
“Looking over someone’s shoulder in a mirror brings bad luck.”
“If you find money at a crossroads, let it lie, otherwise you will have bad luck.”
“If there is a comet in the sky, there will be war to follow.”
“If the chickens are crowing and the women are whistling, it is a bad omen.”
“If you have a peacock feather in the house, the daughters will marry.”
“Whoever sees a white spider will die.”
“If a picture falls off the wall, there will be death.”
“If you let a cat look in the mirror, it will never run away.”
“When you move to a new house, never take eggs with you.”
“Vinegar will be strong, if three women blow into the barrel.”
So what do you think? Do you believe in such things? Is there a superstition that you know? If so, write in the comment section down below! Good luck!