Hoscht du gewusst ass es en Leckschen do in Amerikaa in November gebt? Wie kannscht du net? Alles was mer sehnt un heert hot mit re Leckschen zu duh. Des Yaahr iss es en arrige wichdige Leckschen, weil mir fer der Bresident waehle waerre. Ass viel vun eich schunn wisst, do in Amerikaa waehle mir alle vier Yaahr fer en Bresident. Des Yaahr hemmer en echde Grieg do. Die Demokraatin, die Kamala Harris laaft gege der Republikaaner, der ehmaliger Bresident, der Donald Trump. Mir hen yuscht ee Munet bis der Leckschendaag do iss! In em Guckbax, in re Zeitding un uff em Schwetzkaschde gebt es yuscht Advertisements fer die zwee Kandidaade. Die Polls saage ass es arrig dicht iss. Mir hen kenn glaare Gewinner. Ich hab gedenkt ass es en gudi Zeit waar fer en Waddelischt mit Wadde die in des Leckschen wichdig sin zammezubringe.
Do iss mei Lischt:
1. vote / Voter – abschtimme / der Schtimmgewwer
2. Political Party – die Balledickal Bardi
3. Ballot – die Ballot
4. Politics – die Balledicks
5. Jobs – die Tschapps
6. Debt – die Schuld
7. Economy – die Economie
8. Energy / Clean Energy – die Graft / die Widderneilichegraft
9. War – der Grieg
10. Gas Prices – es Gaasbreis
11. Immigration – die Eiwandering
12. Health Care – die Gsundheitsarge
13. Environment – die Umwelt
14. Guns – die Flinte
15. Education – die Lanning
16. Conservative / Liberal – konservative / liberaal
17. Debate – der Dischbedaat
18. win / lose – gewinne / verliere
Nau seid dihr ready fer die Leckschen mit denne Wadde! Net vergesse uff em 5. November abzuschtimme! Ich waer fer schurr mei Abschtimme gewwe!
Do iss en Audio Klip:
Did you know that there is an election here in America in November? How can’t you? Everything that we see and hear has to do with the election. This year is a very important election, because we will be electing a president. As many of you already know, here in America we vote for a president every four years. This year we have a real war. The Democrat, Kamala Harris, is running against the Republican, the former president, Donald Trump. We have just one month until election day is here! On TV, in the newspapers and on the radio, there are only advertisements for the two candidates. The polls say that it is really close. We don’t have a clear winner. I thought that it was a good time to bring together a list of words for the election. Here is my list:
Now you are ready for the election with these words! Don’t forget to vote on the 5th of November! I will definitely give my vote!