Guder Daag Blog Leser! Im Lewe gebt es viel gude Paare. Was mehn ich? Well, es gebt viele Dinge die gut mitenanner zammebasse. Ich hab en katze Lischt vun de Paare die ich gut find. Was iss dei Lischt? Loss en Comment wann du es faddich gelese hoscht!
Gude Paare
Pizza + en frisches kaltes Bier
Nei Yaahr + Seifleesch mit Sauerkraut
en Koppche Kaffi + en Schtick Melassichriwwelboi
Hinkel Fliggel + Blohkaes Selaatbrieh
Rot Wei + en guter hatter Kaes
in re Kaerrich + en guder Aryelschpieler
en kiehler Schpotyaahrowed + en Campfeier
Laurel + Hardy
en Maschienfaahrt im Summer + gude Myusick aus dem Schwetzkaschde
en Scheier + Scheierschtanne
hattgekochte Oier + siess un sauer Rotriewe
warmes frisches Brot + kalter Budder
en Lewe + Deitsch