Guder Daag Blog Leser! Wie ich in Deitschland waar, waar ich oft uff de Guckbax un hab viel Gschwetze uff de Schwetzkaschde geduh. Eens hab ich viel gegliche. Ee Daag waar ich noch Saarbrücken, Deitschland eigelaade fer en Gschwetz mit der Susanne Wachs uff Saarlandwelle (SR3). Sie waar arrig eifrich uff meh iwwer Deitsch zu lanne. Zum Glick hot sie mir en Copy vun re Gschwetz gschickt. Ich will sie mit eich heit deele. Nau geb Acht, die Gschwetz iss in en Mischung vun Hochdeitsch, Deitsch, un glee bissel Saarlandisch. Awwer ich glaab ass dihr ken Druwwel hawwe waerrt um alles zu verschteh.