Liewer Belsnickel 2021!

Diesember 2021

Liewer Belsnickel,

Ich hoff ass mei Brief dich gut findscht. Was fer en Yaahr, gell? Ich habe gedenkt ass 2020 hatt waar un dann hawwich gedenkt ass 2021 fer schurr besser sei waerrd. Ich hab gedenkt im 2021, Covid waerrd vorbei…ich hab net recht ghatt. Ya, die Grankheit iss noch do, un ass ich des Brief schreib, sin die Nummer do in Pennsylvania widder am nuffgraddle.

Awwer liewer Belsnickel, wie bischt du? Bischt gsund? Hoscht du die Vaccine grickt? Du wuhnscht dief im Busch, un vielleicht weil du net so viel Leit sehnscht, musscht du es net griege. Awwer wann du die Leit des Winder bsuchscht, vielleicht settscht du en Mask waere?

Alle Yaahr schreib ich dir en Brief. Usually, schreib ich en Lischt vun was ich hawwe will. Un ya, ich waerr mei katze Lischt am End schreiwe, awwer aerscht will ich glee bissel mit dir schwetze. Hoscht du en Guckbax odder die Internet do in deim gleene Haus? Wann nee, vielleicht bischt du gscheiter ass uns. Die Welt un unser Land hot glee wennich Druwwel im 2021 ghatt. Die Pandemic waar noch am laafe, unsres Bolitische System iss gebroche, es fiehlt sich ass nimmi kenne enanner verdraue. Wann ich die Guckbax guck, muss ich yuscht mei Kopp schiddle. Dann wann ich uff Facebook un die Internet geh, muss ich widder mei Kopp schiddle. Die Leit sin allsfatt am fechde…mannichmol mit Wadde un mannichmol mit Flinde. Was meh kann ich saage? Vielleicht kannscht du glee bissel Fried un Freed des Yaahr rumrschpritze?

Du weesscht ass ich arrig gut des Yaahr waar, so, liewer Belsnickel, do iss mei Lischt fer dich fer des Yaahr:

1. En neier Schtrohhut – mei alde Schtrohhut hot bessere Daage gsehne. Es hot schunn ee paar Lecher drin….dann kummt die Sunn rei un dann kann ich net recht seh.

2. Duwack fer mei Peif – im Summer hock ich mich gaern uff mei Bortsch un schmok mei Peif. Dann kumme die Schnoke net verbei! Awwer, sei so gut un mach es siesse Duwack, mei Fraa gleich des zu rieche.

Die zwee Dinge sin fer mich persehnlich. Nau hawwich en katze Lischt vun Dinge die net fer mich sin:

1. Fried – ya ich weess, sell iss glee wennich kischblich awwer ich meehn es. Unser Land, wie ich frieher gschriwwe hab, hot viel zu viel Schtress un Tenschion. Viel Leit brauche Fried un Schtillheit.

2. Esse un Gleeder – die zwee Dinge winsch ich fer all die Leit die sie brauche. Es gebt viel Leit in unser Land die net genunk Esse un net die rechde Gleeder hawwe, abaddich nau im Winder.

3. Gudes Wedder – im 2021 hot es viel schlechdes Wedder in unser Land gewwe. Wildfeier, Drickning, Flut, Hurricanes, un arrig hoch Tempetschers. Kannscht du glee bissel mit Mudder Nadur schwetze? Vielleicht 2022 kennt glee wennich besser sei. Die Bauere brauche meh besseres Wedder um unsere Esse zu bauere!

Well, ich glaab sell iss genunk fer des Yaahr. Wann du zu meim Haus vorbeikummscht waerr ich eppes uff dem Kichdisch fer dich hawwe. Yuscht glee wennich zu esse un zu drinke so ass du net bamblich fer dei Nachtrees bischt.

Ich winsch dir en hallicher Grischtdaag un en glickseliges Nei Yaahr 2022!

Mach’s gut,
– Der Doug

Do iss en Audio Klip:

4 thoughts on “Liewer Belsnickel 2021!

  1. Erwin Peters 11/12/2021 — 06:43

    Ech wënschen dir och schung Chrëstdeeg an e glécklech nei Johr. Best Griss aus Belgien

    Gesendet von Mail für Windows

    Von: PA Dutch 101 Gesendet: Samstag, 11. Dezember 2021 11:19 An: peters-erwin@hotmail.com Betreff: [New post] Liewer Belsnickel 2021!

    dmadenford posted: ” Diesember 2021 Liewer Belsnickel, Ich hoff ass mei Brief dich gut findscht. Was fer en Yaahr, gell? Ich habe gedenkt ass 2020 hatt waar un dann hawwich gedenkt ass 2021 fer schurr besser sei waerrd. Ich hab gedenkt im 2021, Covid waerrd vorbei.”

  2. Liewer Freind Doug, Groß Dank fer des abadisch wunnerschee Gedischdsche! Ich winsch Dir un Deiner Familie noch geruhsame Adventsdaage und freehliche, gesegnete Grischtdaag un en glickseliges Nei Yaahr 2022! Macht’s Gud bleiwen schee gsund und Veel Grieß vun Hiwwe noch Driwwe aus Howwe Herbert F. Tiefel

  3. patricia munzner 12/12/2021 — 02:27

    Viele Dank fer de scheene Brief an de Belsnickel. Ich werdem aa schreiwe unn fer Friede, s End vunn de Pandemie unn fer mer gudde Leit in de Welt bidde. Wemmer du driwwe unn ich hiwwe drum bidde werds vielleicht wohr werde.
    A scheene Woinachte unn a gudde Rudsch in neie Johr.
    Grieß aus Finnland,
    Patricia

  4. Patricia,

    Mir welle hoffe ass meh Leit aa fer so was frooge! Ich winsch dir aa en Hallicher Grischtdaag un en glickseliges Nei Yaahr!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close