Die groosse Greis Yacht!

Greis Yachde, aa as Gediere Faahrde bekannt sin, waare gewehnlich in viel Deele vun Pennsylvaania bis die 1830s. Die Yachde hen verwickelt as en Versammling vun so viele Yaeger wie meeglich. Die Yaeger waare dann in en grossem Greis in dem Busch ausgebreet. Die Yaeger daete die Gediere uff en Weg zu en geglaarde Blatz in de Mitt vun dem Greis faahre. Dann kennte sie uff die Gediere schiesse un so viel wie meeglich dotschlagge.

Eens vun de greeschde Greis Yacht uff Reckord waar bei Pomfret Castle (en Franzeesisch un Insching Grieg Fort) bei der Mahantango Grick in Snyder Kaunty im yaahr 1760 gewest. Die Yacht waar vun dem Yaeger “Black Jack” Swatz gefiehrt. Er hot schunn iwwer zwee hunnert Yaeger versammelt in en Greis mit en Diameter vun 30 Meils! Die Yaeger hen all Sart vun Laerm gemacht un hen ihre Flinte gschosse um die Gediere in die Mitt zu faahre. Wann alles vorbei waar, hen die Yaeger 109 Welf, 112 Fix, 17 Schwatzbaere, 21 Benders, 198 Hasch, 2 Elk, 111 Bofflos, 114 Bobkatze un iwwer 500 gleenere Gediere dotgschlagge!

Die zwee hunnert Yaeger un ihre Freindschaft kennte net all die Gediere yuuse. Die Riech vun die dode Gediere hen annere Leit vun ihre Blockheiser bis drei Meils weggfaahre. Eventually, Deele vun die Iwwerichs hen gemisst begrawwe zu sei um der Gschtank zu controle.

Do iss en Audio Klip:

2 thoughts on “Die groosse Greis Yacht!

  1. Matt McClenahen 22/11/2021 — 10:42

    Was ist ein Bender? Alles andere konnte ich verstehen!

  2. a panther

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close