Monschders! Ungeheier! Schpucke! Geessmannsleit? Ya, du hoscht sell recht gelese. Im 1973 hen zwee Bauere in Lengeschder Kaunty en Geessmann gsehne. Die Bauere, die aa Brieder waare, waare drausse in een vun ihre Felder mit en Fuhr ass sie der Geessmann gsehne hen. Sie hen es so bschriwwe: so gross wie en Kuh, awwer es hot uff zwee lange Beh gschprunge. Es waar groh, un hot en weisse Maahn ghatt. Es hot lange Fangzeh un lengere Glooe ghatt. Uff sei Kopp waare zwee grimmige Hanner, wie en Geess. Es Ding hot sich fer die Geil bewegt un hot ihne verschrocke. Die Brieder waare zum Grund gschmisse awwer waare ok um widder uffzuschteh un fattzuschpringe.
Der naegschde Daag, die Brieder hen annere Bauere ihre Schtori verzaehlt. Sie hen ausgfunne ass zwee annere Leit hen der Geessmann aa gsehne. Een Bauer waare vun dem Geessmann aagegriffe awwer waar schtarrick genunk sei Graassens zu griege un hot sich gewehrt. Der Geessmann hot der Graassens vun dem Bauer sei Hend genumme un hot die Henk in halwer gebisse wie er sich fattgschprunge iss. En Fraa hot aa der Geessmann in ihr Gaarde gsehne. Er hot nooch ihre Gediere geyaagt. Wann der Geessmann die Fraa gsehne hot, hot en dode Gans nunnergschmisse un iss der Busch gschprunge.
Um meh iwwer annere Geessmannsleit zu lese: Klick mol do!
Do iss en Audio Klip:
PA Dutch 101 