Zwee Mannsleit!

Guder Daag Blog Leser! ‘Sis Oktower 2020…was en Yaahr! Graad nau hock ich mich am Disch mit en Koppche Kaffi un bin am denke. Fer uns do in Amerikaa iss unser Lewe unnerscht-ewwerscht. COVID-19, Online Schul, un…….en Leckschen. Do iss en katzes Gedicht iwwer was yede Daag in die Noochricht kummt un wie ich alles graad nau seh.

Zwee Mannsleit

Alle vier Yaahre gebt es en grosse Uffrohr.
En Paerson will in es Weiss Haus wuhne.
In yuscht ee paar Woch waerd’s en Antwatt gewwe.
Awwer bis dann, was fer en Seierei!
Des Mol gebt es der Trump un der Biden.
Allebeed saage ass sie der beschte Paerson fer der Tschopp sin.
Uff mei Guckbax, in mei Zeiding,
Emails, Text Messages, Uffrufe,
Bekanntmachunge im Internet, Bekanntmachunge in mei Poscht.
Schilder in de Leit ihre Graasbletz,
Faahne var de Leit ihre Heiser, odder uff de Leit ihre Pickup Trucks.
‘Sis iwwerall Leckschenfiewer, un mei Land iss warricklich grank.
Leit greische un schtreide in de Schtroosse,
in die Supermarrick, uff em Internet.
Bischt du rot odder bloh…gebt’s kenn annere Wahl,
so denke viel Leit.
Sin mir net all Amerikaaner?
Aerschde Dinschdaag in November…
geht’s alles vorbei?
Vielleicht, vielleicht net.
Kummt Fried endlich zu unser Land?
Vielleicht, vielleicht net.
Ich bin mied. Ich bin grexsich. Ich bin abgefiehrt.

Do iss en Audio Klip:

2 thoughts on “Zwee Mannsleit!

  1. Schaad dass mer denne Kandidat mit de Pfälzer Worzle uff känn Fall wähle kann, wenn ähm de Friede unn die Zukunft vunn Amerika am Herz liecht. Hoffendlich werd der schlechde Mensch nidd wirrergewähld😢
    Alles gude unn a gudi Entscheidung!

  2. Jack Speese 17/10/2020 — 08:48

    Du hoscht Recht, Doug. Yedes Lekschenyaahr giwwt’s allsfatt die gleiche Seierei. Awwer trotzdem sollmer dankbar sei, ass mer in die USA wuhne statt in scheisskommunistishen Lendern wu es keeni richtige Lekschens gibt. Un wie du selwwert mol hier g’saat hoscht, soll alliepper zu den Polls gehne fer zu schtimme, odder darrich die Poscht schtimme.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close