Guder Daag Blog Leser! Well, des Woch geh ich widder in die Schul. Es waerrd mei 19. Yaahr ass Schulmeeschder sei. Die Kinner kumme am Dinschdaag, un ich muss ehrlich saage, fer es aerschdes Mol in mei Career, bin ich arrig besarigt. Mei Schul, wie viel annere, waerrd en Hybrid System yuuse. Die Kinner kenne zur Schul kumme odder Heem bleiwe un lanne Online. Alles nadierlich wege COVID 19.
Schtress un Angscht iss arrig hoch bei mir un aa bei annere Schulmeeschder. Die mehnscht vun mei Schtudente kumme zerick “Gsicht zu Gsicht.” Sell mehnt ass ich schier gaar 30 Kinner yede 84 Minudde in mei gleene Klaessschtubb hawwe waerr. Ich kann net Social Distancing duh, mei Schtubb iss zu glee. Nadierlich misse alle Face Masks aahawwe, awwer mir waerre wie Sardines in en Kann sei. Am End der Daag waerr ich baut 100 Kinner seh….un wennicher ass sex Fuus vun mir weg.
Ich muss aa tietsche un laerne zu all die Kinner. Sell mehnt ass ich nadierlich uff die Kinner in mei Schtubb achte muss, awwer aa uff de Kinner Online. So des Yaahr muss ich die ganze Zeit hinnich mei Waddefresser hocke un laerne. Die Online Kinner waerre mei Klaess livestreame so ich muss aa zu ihne schwetze un aa gleichzeitich zu de annere Kinner aa babbele. Ich weess net wie gut es sei waerrd. Un was duh ich wann es Technology Druwwel gebt? Aye aye aye, es macht mich zu kotze!
Am Dinschdaag waerr ich mei gude Gleeder un mei Face Mask aaduh. Ich waerr zu Schul mit mei Kaffikoppche faahre. Ich waerr en grosse Gebet saage. Un ich waerr hoffe ass alles gut geht….so gut wie meeglich. Ich hab oft im Internet en Meme gsehne die saagt: “Des Yaahr alle Schulmeeschder sin widder in ihre aerschdes Yaahr,” so fiehl ich.
Ich waerr mei Beschdes duh, oh, un hoff ass ich gsund bleiwe.
Do iss en Audio Klip:
PA Dutch 101 
Hier in Deutschland sieht es genau so aus, wie du es beschrieben hast.
Allerdings sind unsere Schulen längst nicht an modernen online-Unterricht gewöhnt, wie es bei euch in USA wohl zu sein scheint. Die Regierung hat aber entschieden, das alle die Schüler mit iPads ausgerüstet werden sollen, die bisher noch keinen Zugang zum Internet hatten. Solche Vorhaben werden aber sicher noch lange brauchen, bis sie umgesetzt sind. Woher das Geld dafür kommen soll … ich habe keine Ahnung; am Ende wird es aber doch wohl durch die Steuern aufgebracht werden müssen.
Ja, ich bin froh, dass ich bereits Rentner bin und mit den vielen Corona bedingten Problemen am Arbeitsplatz nichts mehr zu tun habe … dafür gehöre ich allerdings mit fast 80 Jahren zur Risikoklasse! Ich bleibe deshalb möglichst zuhause, die Kommunikation und Kontakte mit Familie und Freunden erfolgt zu 95% per Internet und Telefon! Eine merkwürdige Zeit, in der wir leben!
Ich wünsche dir und deinen Lehrer-Kollegen in “Dutch-Country” viel Erfolg für den neuen Schulstart und dass auch die Eltern der Schüler bei möglichen Problemen an der Lösung kräftig mitarbeiten!
Bleib gesund
M.P.
Manfred, Danke fer die scheene Wadde. Es grosse Druwwel wu ich schaffe iss ass viel Familye (die Eldere) denke ass COVID 19 “Fake” iss. Deswege denke aa ihre Kinner. Waerre sie die Regel folye? Manniche ya, annere, nee. Dann muss ich aa Face Mask Polismann schpiele. Aye aye aye.
liewer Freund Douglas, isch denke aach, dass es schun arig schwer fer Dich sei werd, die neie Situation aa ze nehme! Awwer, wie isch Dich kenne du, werschd Du des schun schaffe! Uff alle Fäll drick ich der alle mein Daume far Dein erschde Stunne am Dienschdaach, Gott werd Der sicher helfe, zu toi toi toi!
Liewe Grieß vun Hiwwe noch Driwwe Herbert!