En neie Zukunft?

Guder Daag Blog Leser! Fer die letschde paar Daage mei Land iss darrich en Uffwache gange. Uff de 25. Moi iss der George Floyd, en schwatze Mann in Minneapolis, vun en Bolismann dodgemacht. Viel vun eich kennt schunn die Gschicht. Er hot ken Flint ghatt, er hot nix gewaltiges gemacht. Awwer am End waar er zum Grund gschmisse un der Bolismann iss mit sei Gnie uff dem George sei Hals geduh…biss der George gegrische hot, “Ich kann net schnaufe! Ich kann net schnaufe!” Ee paar Schtund schpaeder iss er in en Grankehaus gschtarewe.

Fer die ganze Gschicht vun mei Land viel Leit, die Schwatze, die Braune, die Inschinge…die alle hen net schnaufe gekennt. Un nau hocke mir uns do im 2020, un viel vun ihnne kenne nooch net schnaufe. Mei Land hot ihre Freiheit, ihre Draame, ihre Menschlichkeit, ihre Lewe weckgenumme. Net yuscht weckgenumme, awwer fer viele weckgschtohle. Was gschehe iss, iss gschehe. Mir kenne die Vergangeheit net ennere, awwer mir kenne die Nau un die Zukunft ennere. Mir kenne mei Land in en neier Richdung fiehre. Awwer waerre mir?

Zidder dem George sei Dod, sin viel Leit uff die Schtross gemartscht. Die rufe fer en besseres Land un en bessere Umschtand fer unsere Brieder un Schwester vun Fareb. Die Leit sehne en bessere Amerikaa. Een wu all Amerikaaner die gleiche Meeglichkeite hen, die gleiche Rechte hen, en Land es in die Constitution un die Unabhaengigskeit Erglaerung beschriwwe iss. Mir schtehne nau uff en Drehpunkt in unsre Gschicht. Mir sin meh ass ee Mol uff so en Punkt gschtanne: nooch der Unabhaengiskeitgrieg, nooch der Briedersgrieg, nooch der Civil Rights Movement. Alle Mol sin mir uff en Drehpunkt gschtanne, un mir hen es net rechtgeduh. Nau schtehne mir widder do, was duhne mir des Mol? Was machscht DU des Mol?

Mir misse zamme schnaufe, mir misse en besseres Land schaffe, mir misse echde Gerechdichkeit bringe un erlewe. Mir kenne es duh, mir misse es duh.

Var 500 Yaahre, der Karrich Verbesserer, der Martin Luther, hot gsaat: “Du bischt net yuscht gutschteh fer was du saagscht, awwer aa fer was du nicht saagscht.”

Schwatze Lewe zaehle.

Do iss en Audio Klip:

5 thoughts on “En neie Zukunft?

  1. John Bennett 08/06/2020 — 07:31

    Denki. Bravo. So gut g’saat.

    Un aa en paar neie Ausdricke fer’s Pennsylfaanideitsch fer’s 21te Yaahthunnert.

  2. Guat gsagt.
    Mia san solidarisch in Wien, Österreich.

  3. Jack Speese 08/06/2020 — 11:29

    Hi Doug,
    Fier mich duhne die Lewe aller Leit zaehle, egal ob schwatz, weess, braun etc. Mir sinn alle Gott sei Kinner. Soddiche schlechte Bolisleit wie Chauvin sinn keene gude Leit un misse bestraft waerrn. Ich bede, ass mer keene meh schlechte Bolisleit wie Chauvin griege, nimmemeh. Ich bede fier die gude Bolisleit, die uns schuetze, fier Gerechtigkeit fier alle Manns- un Weibsleit, un besonders nooch fier een baldiges End zu selle Virusscheiss.

  4. Jack, gut gsaat!

  5. Gross Dank Joe!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close