Gedechtnisdaag!

Guder Daag Blog Leser. Des Mol bring ich eich en “Reblog.” Ich post eppes die ich zerick im Yaahr 2013 gschriwwe hab, awwer es geht gut mit des Wochend. Viel Gschpass bei lese.

Guder Daag Blog Leser! Well uff em Mundaag iss es widder Gedechtnisdaag do in Amerikaa. Do sin ee paar Wadde iwwer selle Feierdaag:

Uff selle Gedechtnisdaag, bin ich dankbar fer der Opfer, der so viele darrich unsre Gschicht gemacht hen, der die Mannsleit un Weibsleit, die es heechschte Opfer gemacht hen un fer ihre Familye, wer weiter mitaus sie geh misse.

‘Sis en Opfer, der leicht zu vergesse iss. Fer die, die es hawwe, die Freiheit iss wie Luft. ‘Sis eppes as mir yuscht hen. Viele waerre net verschteh yuscht wie wertvoll es iss bis es weggenumme iss.

Heit erinner mich an en Opfer, der gemacht waar, un an en Schuld die ich net zerickbezaahle kann. Ich bed fer der Gott im Himmel, zu segne die Familye vun selle wer ihre Geliebte verloren hen. Ich bed fer die Verwundete zu segne un die zu dreeschde, die nooch mit uns sin, un aa ihre Familye.

‘Sis aa mei Bed, as mir sell Opfer yede Daag erinnere un es wertvolle Gschenk vun Freiheit, net yuscht ee Mol im Yaahr odder wann sie in Gfaahr sin.

Ich bedank mich fer alles was viel Soldaate fer mich un alle vun uns gewwe hen. Endlich, bed ich fer Fried uff unsre Welt as en nimmi meh Greige gewwe. Mir kenne friedlich mitenanner wuhne un lewe. Ich will so eppes un ich glaab as viele vun eich wollt aa so eppes.