Guder Daag Blog Leser! Well, der Abril iss schier gaar vorbei fer en anneres Yaahr. Awwer eb es weggeht, will ich en Abril Gedicht mit eich deele. Des Gedicht kummt vun der Fedder vun een vun dem beschde Dichter in unsre Mudderschprooch: der John Birmelin. Fer mei Geld, iss er warricklich der Bescht. Do iss sei Gedicht, der Abril:
Der Abril
Abril – un die Amschle sin do!
Was singe sie mariyets so froh!
Sie schpringe un huppse
un zoppe un zuppse
un gehne de Reggewaerm no.
Abrilkalb muss ee mol sei,
dabbt immer am Aerschde do rei;
sie schicke uns anne,
nix hinne, nix vanne,
no lache die Schpitzbuwe glei.
Abril iss der Munet fer Ziehge,
fer Wasser im Keller zu griege,
deel ziehge mit Schulde,
mer muss sich gedulde,
ball duhne sie en Annrer bedriege.
Nau macht mer des Gaardesach naus.
Noh butzt mer im Hof un am Haus;
un Schauers, die kumme,
do waxe die Blumme,
mer heert aa der Piewie datt drauss.
Do iss an Audio Klip:
PA Dutch 101 
Groß Dank, Douglas für des wunnerscheene Gedicht,
des werklich fasching wie aus em rischdische Lewe is!
Ich selwert bin der Meening, ass der Russell Gilbert der bescht DICHTER in der Muddersproch iss. Der John Bermilin iss awwer zwar aa en arrig guder Dichter, un aa ohne Zweifel der bescht “versifier” — sei Reims un Stanzas sin allfatt gescheit (“clever”). Der John Bermelin is net unnich Grund “der Poet-Laureate der Deitsche” gennent.
âHappp Prezel Dayâ! ð¥¨
Did You Know… …that Pennsylvanians eat more pretzels per capita than people in any other state in the United States? Because of this, Pennsylvania Governor Ed Rendell declared April 26 as National Pretzel Day in 2003.
According to a well-known legend, the pretzel was invented by a baker from Bad Urach (Swabia) , who had lost his life in a sacrilege committed by his sovereign Count Eberhard (1445-1496). However, since the baker had previously rendered good services, he was to be given another chance. “Bake a cake dear friend, through whom the sun shines three times, then you shall not be hanged, your life shall be given to you freely.” The baker went to work and invented the pretzel. However, the current form of the pretzel was already known in the late 12th century…
We donât need to fall in panic about #covid-19 / #corona but we must take it serious! Letâs stay calm & at Home.
Cheers Patrick
PA Dutch 101 schrieb am Sa. 25. Apr. 2020 um 11:12:
> dmadenford posted: “Guder Daag Blog Leser! Well, der Abril iss schier gaar > vorbei fer en anneres Yaahr. Awwer eb es weggeht, will ich en Abril Gedicht > mit eich deele. Des Gedicht kummt vun der Fedder vun een vun dem beschde > Dichter in unsre Mudderschprooch: der John Birmelin” >