En Gedicht fer es Friehyaahr!

Guder Daag Blog Leser! Well, ‘sis em End vun Matz un mir sin allsfat noch in “Lockdown” wege die Coronoa Virus do in Pennsylvania un aa in viel annere Lenner in re Welt. Ich hoff ass du un dei Freindschaft un Freinde all gsund un sicher sin. Zum Glick bin ich noch gsund un mei Freindschaft aa. Ich hab gedenkt, alles was in die Neiichkeit schteht hot mit Corona zu duh. Awwer, weess, ‘sis nau Friehyaahr. Drausse Blumme sin am waxe, mei Grass waerrd alle Daag griener. Loss uns mol uff em Friehyaahr denke un net uff re Grankheit! Do iss en Iwwersetzung vun dem Robert Frost sei Gedicht: “A Prayer in Spring.”

“En Gebet im Friehyaahr”

O, geb uns Blessier in die Blumme heit:
un geb uns net zu denke so weit weg
wie die ungewissne Aern; behald uns do
Eefach in es friehe Zeit vun dem Yaahr.

O, geb uns Blessier in dem Baamgaarde weiss,
wie nix schunnscht bei Daag, wie Schpucke bei Nacht;
um mach uns froh in de glickseeliche Ieme,
der Schwaarm fliegt um die perfekte Beem.

Un mach uns froh in dem flitzende Voggel
der bletzlich iwwer die Ieme gheert iss,
der Drach der rennt nei mit Nodel Bill,
un ab vun en Blieh midde in der Luft schteht schtill.

Fer des iss Lieb un nix schunnscht iss Lieb,
fer was fer Gott owwe zerickgehalde iss
zu heiliche zu welle weite Ende Er will,
awwer fer was es yuscht braucht des erfille mir.

Do iss en Audio Klip:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close