Frieher im Munet, hot der Punxsutawney Phil sei Schadde net gsehne…so es Friehyaaahr kummt gschwind. Awwer, mir sin noch dief im Winder un fer viel Leit iss Winder en Yaahreszeit fer abbadiches Esse. Im Winder koche mir greftige Esse weil normally es arrig kalt iss un mir hen blendi Zeit im Haus um grosse Iems zu rischde. Fer mich Winder meehnt Iems wie Seimaage, Pot Roascht, gerooschde Rinnsfleesch mit Filse, Chili, un viel anneres. Awwer was ich am bescht im Winder ess, iss Supp. Supp iss so en perfekdes Iems. Alles was mer braucht in ee Schissel. (Nadierlich muss en grosse Schtick Budderbrot aa dobei sei).
Wann ich Zeit uff de Wochenend hab, gleich ich Supp zu rischde. Manniche Suppe kenne ganz langsam uff em Offe koche…un dann riecht es ganze Haus so gut! Ich denk ass ich nimmi en Supp gedroffe hab, die ich net gegliche hab! Wie schteht es bei eich? Fer mich mei Lischt vun mei Leibsuppe iss:
In kenn abbadiche Ordning:
Franzeesische Zwiwwel….mit en grosse Schtick gschmolsene Kaess druff!
Rinsfleesch mit Gaerscht
Rode Kecherle
Nei England Muschel
Schunkefleesch un Buhne
Tomaet….mit en grosse gegrillde Kaes Sandwich dobei.
Gebackene Grummbier mit Schpeck
un nadierlich……Hinkel Bot Boi! Wann mer en Deitscher iss, muss Bot Boi uff de Lischt schteh, gell? Ich bin en Fan vun Hinkel Bot Boi, awwer Schunkefleesch Bot Boi iss aa net schlecht.
So do iss mei Lischt. Was schteht uff eier Lischte? Hawwich en Supp vergesse?
Do iss en Audio Klip:
PA Dutch 101 
Ich gleich Chili en latt. In insre Karrich hemmer een ChiliCook-off jedes Yaahr vor Aschermittwoch. Ich freie mich schunn draff!