En Samschdaag Mariye im Winder!

‘Sis fimf Uhr, mei Aage sin uff.
Miles, mei Hund, schteht schunn newwich meim Bett, er iss reddi raus zu geh.
Ich steh uff un duh Gleeder aa. Ich mach es Licht net aa, die Mammi iss noch am schlofe.
Ich laaf der Gang nunner un dann darrich die Kich.
Ich mach die Kaffimaschine aa.
In die Garage gehne mir, Schtiwwel, en Hut, un en grosse Rock duh ich aa.
Miles iss nau zu sei Lein befeschtigt, mei Hensching sin aa, ich mach die Dier uff.
Der Wind blosst, ‘sis arrig kalt, awwer drausse gehne mir.
‘Sis dunkel un nimmi vun mei Noochbere sin wacker.
Mir laafe glee bissel un der Miles duht sei Bisness, mir drehne uns um.
Die Zeiding iss schunn do, ich grick sie.
Zerick heem. Rock un Schtiwwel ab. Mei Backe sin noch kalt.
Widder in die Kich. Ich geb der Miles glee bissel Fudder un frisches Wasser.
Der Kaffi iss reddi un ich giess mich en Koppche.
Heit muss ich net schaffe, so ich kann alles glee bissel langsamer nemme.
Ich nemm mei Laptop zum Disch mit mei Kaffi.
Es Haus iss ruhich. Die Kinner sin noch im Bett. Yuscht ich un der Hund.
Ich les neie Emails un bsuch ee paar Websites fer die Neiichkeede zu lese.
Was iss in re Welt gschehe wie ich am schlofe waar?
Eppes Neies aus Waschington, en Wild Feier ariyets in re Welt?
Widder en Schiesserei?
Nee, heit iss nix viel in die Headlines.
En grosser Nip vun mei Kaffi. Ahhh. Gut un warem.
Nau glee bissel Zeit uff Social Media. Ee paar dumme Poschts lese.
Vielleicht ee paar katze Videos gucke.
Laptop weg, an der Offe.
Schpeck odder Panhaas aus re Eisbax hole.
En Pann griege un es Fleesch brode.
Mei aerschde Koppche Kaffi faddich, nau Zeit fer en Zwette.
Ich heer eppes, ya, der Oscar iss wacker un iss rauskumme.
Glee bissel schpeeder kummt die Estella aa raus.
Die Mammi iss noch im Bett, sie gleicht am Wochend glee bissel meh zu schlofe.
Die Kinner gucke glee bissel Guckbax bis es Mariyesse reddi iss.
Die Sunn iss nau iwwer dem Barrick, der Daag iss nau am laafe.
Mei ruhiche Zeit iss nau verbei, Mei Zeit allee iss nau verbei.
En annere Daag iss nau am geh.

Do iss en Audio Klip:

1 thought on “En Samschdaag Mariye im Winder!

  1. Friedlich!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close