Guder Daag Blog Leser! In College waar ich in der Kor. Ee Semester hemmer en Lied gsunge. Ich hab selles Lied so schee gfunne. Ich hab es fer eich ins Deitsch iwwersetzt. “Yesus Grischt der Eppelbaam” waar vun dem Joshua Smith im Yaahr 1784 eigesammelt. Es waar aerscht in “Divine Hymns or Spiritual Songs” rausgewwe.
Yesus Grischt der Eppelbaam
Der Baam vun Lewe mei Seel hot gsehne, voll mit Obscht un allsfaat grien: der Baam vun Lewe mei Seel hot gsehne, voll mit Obscht un allsfaat grien: die Beem vun Nadur obschtlos sei vergliche mit Grischt der Eppelbaam.
Sei Scheeheet dutt all Dinge biede: noh Glaawe weess ich, awwer nimmi kann saage: Sei Scheeheet dutt all Dinge biede: noh Glaawe weess ich, awwer nimmi kann saage: die Haerrlichkeet die ich sehe kann in Yesus Grischt der Eppelbaam.
Fer Glick die ich lang uffgsucht hab, un Blessier hab ich kaaft: fer Glick die ich lang uffgsucht hab, un Blessier hab ich kaaft: ich hab vermisst vun all; awwer nau ich seh, ‘sis gfunne in Grischt der Eppelbaam.
Ich bin iwwerdrissich mit mei friehre Blog, do waerr ich mich hocke un ruh ee Weil: ich bin iwwerdrissich mit mei friehre Blog, do waerr ich mich hocke un ruh ee Weil: unnich dem Schadde waerr ich sei vun Yesus Grischt der Eppelbaam.
Des Obscht macht mei Seel voraakumm, es behaldet mei schtaerbliche Glaawe lewich: des Obscht macht mei Seel voraakumm, es behaldet mei schtaerbliche Glaawe lewich; sell macht mei Seel in Eil zu sei mit Yesus Grischt der Eppelbaam.
Die Elizabeth Poston (1905-87) hot dann schpeeder en arrig scheene Arrangement gschriwwe. Do iss en Video vun en Kor die es in Englisch singt: Jesus Christ the Apple Tree
PA Dutch 101 