En neie CD iss rauskumme mit ee paar Deitsche Lieder druff! The Broken Spokes, die neie Album vun der Baend mit derselwe Naame iss nau raus un voll mit guder Myusick. Die Baend iss der Chris LaRose (Gitar un Banjo) un der Doug Madenford (Manodlin un Dulcimer). Die Broken Spokes schpiele en gude Mischung vun Appalachian, Folk, Blues, un Deitsche Lieder. Uff seller CD gebt’s aa so en Mischung. Mer kann Lieder wie „Hei Li Hei Lo“, „Ich un Du“ heere un aa annere Deitsche Lieder die die Buwe selwer gschriwwe hen. Es gebt aa Folk Lieder uff Englisch wie „Swing Lo Sweet Chariot“ un „Goin‘ Down The Road Feelin‘ Bad“. Die CD koschtet yuscht $10 un du kannscht es DO kaafe. Mer kann aa Lieder vun re CD uff Doug Madenford’s YouTube Channel heere. So wann du fer neie Detische Myusick am gucke bischt, do iss en Gelegeheit!
PA Dutch 101 