Guder Daag Blog Leser! Wisst dihr was en Podcast iss? Ich glaab, ass viel vun eich schunn wisst, awwer wie viel vun eich heert Podcasts? Ich glaab ich bin abhenkig! Ich glaab ass Podcasts mei Leibsentertainmentform sin. Wann mer really uffdenkt, Podcasts sin glee bissel altmodisch, gell? Wie die alde Daage, wann Leit zu dem Radio gheert hen. En Podcast iss graad wie sell awwer digital! Guckbax gucke iss ok, awwer all zu oft kann ich nix Gudes finne. Zu viel Reality Shows un zu viel Cable Noochrichde. Awwer mit Podcasts kann mer so viel verschiddliche Topics un Themes finne. Ich glaab es gebt en Podcast fer yede Topic in re Welt, echt! Nochdem selle Ardickel, kann mer meh Information iwwer Podcasts lese, awwer katze Antwatt: es gebt iwwer 630,000 Podcasts! Was aa arrig gut iss, alle Podcasts sin mitaus Koscht! Mir griege net zu viel ins Lewe mitaus Koscht, so do iss en Ausnemme!
So, ya, ich lieb Podcasts. Ich gleich sie zu heere wann ich am faahre bin. ‘Sis nix besser ass am zu faahre zu sei un en guder Podcast aazuhawwe. Ich hab gedenkt fer des Blog Poscht ass ich en Lischt vun mei Leibspodcasts gewwe. Sie sin in ken abaddiche Ardning. Nau net vergesse, ich bin en Nerd, so viel vun mei Lischt sin educational Podcasts! Heh, was kann ich saage, ich gleich zu lanne!
This American Life – Gschichte. Wer gleicht en gudi Gschicht net? This American Life verzaehlt verschiddliche Gschichte yede Woch. Mannichmol waerrt dihr lache, mannichmol brille, un allsfatt bedrachde.
The More Perfect Union – Bolitiks! Viel Leit gleiche net iwwer Bolitiks zu schwetze, abaddich heitzudaage. Loss die Leit uff des Podcast die Schwetze duh. Sie sin normale Leit un die Gschwetzt iss allsfatt entertaining.
Planet Money – witt du meh iwwer Geld un Economics wisse? Des Podcast nemmt en Topic yede Woch un bschreibt es ganz eifach. Des iss echt inderessant.
Christopher Kimball’s Milk Street Radio – Ich lieb zu koche, un des Podcast iss en Draam fer der “Heem Koch”. Yede Woch bringe sie neie Reseede, Tips fer in die Kich, un en gude Gschwetzt mit epper in die Food Industry.
Revisionist History – Wann du Gschicht liebscht, des Podcast iss fer dich. Der Malcolm Gladwell neemt Schtoris vun unsre Vergangeheit, die oft net driwwer gschwetzt sin, un bringt sie widder ans Licht.
Piano Puzzler from Performance Today – Gleichscht du Myusik? Yede Woch der Bruce Adolph nemmt en gut bekanntes Lied un schreibt es nei ass wann en alt Composer es gschriwwe hot. Er schpielt sei neies Lied un dann en Uffrufer muss es Lied un der Composer rode. Vielleicht waerrscht du en Beatles Lied im Schteil vun Beethoven heere!
Here’s The Thing with Alec Baldwin – Allsfatt gude Interviews mit Leit aus re Entertainment, Bolitikal, un Kunschtliche Welt.
Nau sie sin net die eensichschde Podcasts die ich zuheere. Es gebt meh, awwer selle Lischt iss gut genunk fer heit. So nau die grosse Froog: heert dihr Podcasts? Was schteht uff eier Lischte? Ich bin allsfatt uff re Yacht fer neie Podcasts, so wann du en guder hoscht, saag mir!
Ich denk es iss Zeit fer en Deitsche Podcast. Was denkt dihr? Ehrlich gsaat, ich hab oft uff des gedenkt, awwer mei Deller iss zu voll nau um en annere Project unnerzunemme….odder iss es? Wann du Ideas fer en Deitsche Podcast hoscht, schreib ich mol!
Do iss en Audio Klip:
PA Dutch 101 
Doug, du settscht en deitscher Podcast schtaerte. Verleicht kenntscht du als en deitsch Schtick – en Gedicht odder Gschicht – lese. Ebbes vun die pennsylvanisch-deitsch Literature, ass es schunt gebt sitter 1835 … was denkscht?
Ja, Ich bin ein Podcast-zuheerer — fer nau alles uff Englisch.
Ich mag die Rachel Maddow ihr Guckbax Show Podcast. Ich hab kein Access zu MSNBC uff mein Guckbax-Dienst, so ich mag, dass ich kann zuheere eppes Zeit oder Platz ich will.
Ich mag aa Quaker Faith and Podcast. Meine Englische Voraltern waar Quakers unn meine Deitsch, Lutheran. Ich bin net en oder ander, awwer ich appreciate the perspective & it helps mich meine Voraltern (unn ich!) besser verschtehe.
Ich subscribe net zu andere Podcasts naa, awwer I’ve been looking for more to add to my queue & appreciate the reccs. Ich bin aa en Nerd unn ich aa gleich zu lanna. :>
Ich bin ein neues Deitschlerner mit nur ein paar Yaahre Hochdeutschlernen, so apologies for Deutschlisch & broken Deitsch.
I would Deitsch Podcasts greatly appreciate in order to get more listening comprehension practice & Wortschatz-building.)
I enjoy your Blogposchts & thank you for also having Audio Klips as well as the written form.
Vielen Dank,
es Lluvi
Ich höre auch gern Podcasts als ich spazieren gehe. Ich empfehle die folgenden Podcasts: The Hidden Brain, Freakonomics, Radiolab, Star Talk mit Niel deGrasse Tyson und The History of English. Ich höre auch einige Podcasts auf Deutsch über Gesichichte und die Naturwissenschaft, und würde auch gerne ein Podcast auf PA Deitsch hören!
Hallo Doug,
Ich gleich net viel de podcasts. Ich breich es Bilder vun de Gookbox. Ich liewe de LetsPlays iwwer Dreens. Gude LetsPlays sin vun Nordrheintvplay un vun SuperRitschie Spielt. Unglicklicherweis sin selli LetsPlays net uff Pennsylvaanisch Deitsch redder uff Hochdeitsch. De Dreens tempere mich.
Am meisten mag ich wohl den von Joe Rogan. Schön lang, viele Folgen und interessante Themen. Dass die unterschiedlichen Gäste dafür sorgen, dass die Themen vielfältig sind ist auch super. Eine guter hochdeutscher oder deitscher Podcast wäre was, aber bisher habe ich da leider noch nichts Gutes gefunden.