En Schpuck mitaus Fiess!

Guder Daag Blog Leser! Nau ich weess ass Schpuckowed vorbei iss un mir alle waarde uff Danksfescht, awwer ich hab noch en Schpuckschtori mit eich zu deele. Neilich hawwich en gude Schpuckschtori gelese, un die Leit, die in die Gschicht waare, waare Deitsche, so ich hab gedenkt, annere Leit solle es aa lese! Ich wuhn in Centre Kaunty, PA, un es gebt “Seck” vun Deitsche Leit do un datt. In die Kaunty oscht vun mir, Clinton Kaunty, gebt es net so viel Deitsche Leit, bis uff in Zucker Daal. Zucker Daal legt in sudd Clinton Kaunty, un datt waare viel Deitsche Leit im 19. Yaahrhunnert. Heitzudaage, die Kinner un Kinnskinner vun selle Deitsche wuhne immernooch datt. Sie schwetze die Schprooch net meh, awwer die Deitsche Naame sin iwwerall! Nau des Gschicht waar aerscht vun dem gut bekannte Folklorist, Henry W. Shoemaker, nunnergschriwwe in een vun sei Bicher.

Alles hot im Yaahr 1840 mit en Scheier Nuffmaching aagfange. Der Docktor Samuel Strohecker vun Booneville, hot en neie Scheier gewollt.  Freinde, Familie, un Noochbeere sin kumme um zu helfe. Ass die Leit am schaffe waare, en Platform iss zammegfalle, un es iss uff die Beh vun en Maedel (die Elizabeth) aagelandt. Der Dr. Strohecker hot geholfe un hot en annere Docktor, der Dr. Pelz vun Loganton, aa uffgerufe, awwer es hot nix gewwe was sie duhne kennte um ihre Fiess zu redde. Sie hen gemisst die Fiess abzuschneide. Die Elizabeth waar hatzgebroche. Es waar en Cholorform Boddel newwich ihr Bett gelosse. Die Elizabeth hot gedenkt es waerr besser Dod zu sei, ass mitaus Fiess zu lewe. So sie hot es gedrunke un iss gschtarewe. 

Net zu lang noch ihre Begraebnis, Fuussdappe sin in dem Schnee gsehne. Die Dappe sin uff em Accident Blatz aagfange. Sie waare newwich die Fisching Grick fer drei Meile nooch Loganton zu dem Docktor Peltz sei Office. Die Leit hen all gedenkt ass sie vun der Elizabeth ihr Schpuck gewest. Die Martha Boone, en alde Fraa, hot gsaat, “Sell iss die Schpuck vun em yunge Maedel es hot sich selwer dodgemacht. Sie will ihr Fiess hawwe. Sie iss zum Dr. Peltz gange um nei zu geh, awwer die Dier iss alsfatt zugschlosse.” 

Viel Leit die newwich der Grick gewuhnt hen, waare verschrocke. Der Dr. Peltz hot die abgschnitte Fiess mit ihm noch der Operation genumme um en Paar Holzfiess fer die Elizabeth zu mache. Die Fraa Boone, hot gsaat ass die Fiess misse mit em Maedel vergraawe sei. So sell iss was die Leit geduh hen. Sie hen ihre Fiess mit der Elizabeth vergraawe un die Fiessdappe im Schnee waare nimmi widdergsehne…..

So en dypical Schpuckschtori, awwer ich hab es arrig gut gfunne. Ich hoff ass eich es aa gut gfunne hett!

Do iss en Audio Klip: 

1 thought on “En Schpuck mitaus Fiess!

  1. Jack Speese 16/11/2018 — 09:27

    Ya, sell war en arrig gude awwer draurige Schtory. As arme Maedel!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close