Guder Daag Blog Leser! Viel vun eich kennt es gut bekanntes deitsches Lied: Hei Li Hei Lo. Un viel vun eich wisst schunn ass ich viel mit Myusick, abaddich deitsche Myusick, duh. Zerick im 2016, in die Hitz vun der Bresidential Leckschen, hawwich en neie Verschion vun “Hei Li Hei Lo” gschriwwe awwer ich hab es nie uff mei Blog geposchdet! Aye aye aye, was waar ich am denke? So, nau, zwee Yaahre schpeeder, do iss es. Die Wadde glange nooch Wahr.
Hei Li Hei Lo (neie Verschion)
Zwee Mol im Yaahr schtimme mir ab,
Mir kenne waehle vun yuscht zwee Drupp.
Die Kandidaate, sie saage viel Liege,
Un Millyonen Dollars sin ausgewwe.
Hei Li Hei Lo, Hei Li Hei Lo,
Bei uns geht’s immer wie lenger wie schlimmer.
Hei Li Hei Lo, Hei Li Hei Lo,
Bei uns geht’s immer ya so.
Mir hen en Congress in Waschington,
Weiss un reich sin viel davun.
Sie fechde un schtreide un mache ken Laws,
Sie sin meh wie Kinner as Uffgewaxne’ – CHORUS
Mir schtimme aa en grosser Boss,
Der wuhnt wie en Keenich im weisse Haus.
Mir waehle en neier alle vier Yaahr’,
sin allsfatt en Mann un nimmi en Fraa. – CHORUS
Do iss en Audio Klip:
PA Dutch 101 
Leider schtimmt sell Lied, Doug. Minneschtens deelweise. Awwer trotz die viele Brobleme daet ich liewwer in’n USA wunne als annerschwo.