Die Hunde Daage!

Guder Daag Blog Leser! Well ‘sis Aagscht un mir sin in de Hunde Daage vun Summer. Do in Pennsylvaania iss es gemeenerhand in schpot Tschulei un Aagscht heess un schmodich. Ich hab gsehne ass in Deitschland es arrig heess un darr alldiweil iss. Ya well, mir sin nau in de “Hunde Daage vun Summer”. Mir alle kenne des Ausdruck, awwer ferwas saage mir es? Ich hab aa net gewusst, so ich bin im Internet gange um en Andwatt zu finne.

Die Hunde Daage vun Summer sin die heesse, schmodiche Daage vun Summer. In re Gschicht waare sie die Daage noch dem Uffgang vun der Schtann Sirius. Die Greeks un die Romans hen die Schtann Sirius ihr Uffgang mit Hitz, Drickning, Dunnerwedder, Fiewer, verrickte Hunde un schlechte Glick zammeghenkt. Heitzudaage sin es es heesschte un umleidichschte Deel vun dem Summer in der Naddhalbkuggel.

Der Englische Naame iss en Calque vun der Latein (dies caniculares – “Hundli Daage”) un sell kummt aus der Greek (κυνάδες ἡμέραι – “Hunde Daage”). Fer die Greeks die Schtann Sirius waar die Hund Schtann weil sie Orion in die Himmel nodappt.

Noch der Old Farmer’s Almanac, sin die Hunde Daage die 40 Daage vun der 3. Tschulei bis der 11. Aagscht. Es gebt aa des:

Die alde Leit glaawe as Regge uff de Hunde Daage waar es schlechtes Aazeeche:

Hunde Daage hell un glaar zeige en glickliches Yaahr aa; awwer wenn mit Regge begleedt sin, fer bessere Zeide, unsre Hoffning iss umsunscht.

un

Hunde Daage kumme; du musscht Hoi un Eil mache wann die Sunn scheint, fer wann alde Sirius Adder vun em Wedder nemmt, iss er so en schwankicher, verrickter Hund, es gebt ken Abhengichkeit uff ihm. – Old Farmer’s Almanac, 1817.  

Fer mich die Hunde Daage sin net so schlecht, ich hab mei Air Conditioner! Wie iss es bei eich? Gleicht dihr die Hunde Daage vun Summer?

Do iss en Audio Klip: 

4 thoughts on “Die Hunde Daage!

  1. Jack Speese 18/08/2018 — 10:56

    Hi Doug! Mir henn aa een Air Conditioner! Sowas brauchmer in’n Sidschtaaten. Awwer in meinre Jugend in Pennsilfania hemmer yuscht Fans g’hatt. Trotz die heesse un schmodiche Daage gleich ich Schpootsommer, farleicht weil mei Gebottsdaag am 26. Aagscht iss! Darum hawwich Schpootsommer in mei’m Blut! Ich gleich es aa, die Hoischrecke un Grillen singe zu heere! Un wann die Monarchs fange an zu fliege!

  2. Hi Jack, I´m a German. I´ve discovered PA Dutch some weeks ago. It´s very strange for me, for all hearing it. It´s even scary, but low on the spectrum of scary things 😉 It´s easier to read it. I comprehend your comment after two times reading it. The grammar is no problem for me. But I´m from the German Northwest, near the Dutch border. Where the people to the west of the border speak what we commonly call Dutch, “Nederlands” (holländisch). PA Dutch is more like in the German Southwest isn´t it? By the way: Mein Vater hat am 26. August (Aagscht?) Geburtstag!
    Viele Grüße und mach´s gut!

  3. Ich lieb die Hunde Daage !
    👍😁☔

  4. Die Hundstage gehen zu Ende. Dieser Sommer war sehr warm und zu viel zu trocken. In Germany we don´t have Monarchs. And other butterflies I saw just a few. And not a lot of bees.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close