Guder Daag Blog Leser! Des Woch bring ich grosse Neiichkeede. Die Rachel Yoder, gut bekannte Volkkinschdlern, un ich sin arrig schtolz unser neies Kinnerbuch, Davey Applebutter, vorzudraage. Im 2016, die Rachel un ich hen unser aerschdes Buch, Penny Olive, rausgebrocht. Penny Olive, en deitsches Maedel aus Barricks Kaunty, bringt der Leser uff en Rees darrich ihr Lewe. Es Buch waar in Englisch un Deitsch gschriwwe. Es Buch waar gut aagenumme un mir hen gedenkt es waar Zeit fer Buch zwee zu schreiwe. Des Mol in Blatz vun der Penny, iss der Davey, en deitscher Bu aus Barricks Kaunty, der Haaptkarakder.
Der Davey nemmt der Leser uff en Rees. Der Davey bsucht die Bauerei seine Grosseldere. Mir sehne was en typical Daag uff en deitschre Bauerei iss. Der Davey helft sei Grossdaadi mit de Gediere un zamme gehne sie uff en Traktorfaahrt. Es Buch iss zweeschproochig: Englisch un Deitsch. Mir lanne iwwer es Lewe uff en Bauerei un Scheierschtanne.
Mer kann es Buch bei Masthof Press kaafe. Es Buch koschdet yuscht $10, un yede Verkaaf helft Deitsche Schprooch un Kuldur zu erhalde.
PA Dutch 101 