Schpot im Yaahr 2017 iss die Neiichkeede rauskumme ass der Keenichsoh Harry aus England im 2018 heiere waerr. Sei neie Fraa, die Meghan Markle, kummt aus Amerikaa. Fer uns do, sell waar abaddich zu heere, en amerikaanische Keenichsdochder in Windsor Palace! Awwer was nooch abaddich iss, iss as die Meghan en Deitsche iss! Ya, du hoscht sell recht gelese. Nooch en Ardickel in Bunte, en hochdeitsche Magazine, der Yohann Markel hot sei Heemet vun Offenburg in Baden Württemberg in dem schpeeder 18. Yaahrhunnert verlosse un iss noch Pennsylvaania ausgewandert. Sei Soh, der Conrad Markel, waar datt in Pennsylvaania im Yaahr 1809 gebore. Der Conrad hot schpeeder die Catherine Hovis gheiert, un ihre Voreldere sin aus Switzerland kumme. Ihr Soh, der Isaac, hot schpeeder sei Naame zu Markle verennert, weil es en Fehler in die Census gewwe hot. Der Issac Markle hot die Leah Reisenberg gheiert un ihr Soh, der Gordon Arnold Markle, iss re Meghan ihre Grossdaadi. Die grosse Hochzich waerr in Moi 2018 schtattfinne.
PA Dutch 101 
Und nicht zu vergessen – der Koenigssohn ist auch deutschstaemmig – von Hanover.