Guder Daag Blog Leser! Well mer kann net die News gucke odder heere mitaus eppes iwwer Naad Korea zu heere odder zu sehne. Awwer was wisse mir eigetlich iwwer dem Land? Ich hab gedenkt ass vielleicht waerr es gut glee bissel iwwer ihre Gschicht des Woch zu schreiwe.
Dem Nadd Korea sei voll Naame iss The Democratic People’s Republic of Korea (DPAK). Es liegt in Asia gschwischich Sudd Korea un Russia. Es hot 25 Millyonen Leit un die Haaptschtadt iss Pyongyang.
Vun 1910 bis 1945 waar ganz Korea en Schtick vun der Kaiserreich vun Japan. Nooch dem Zwette Welt Grieg, waar Korea in zwee Schticke gschpalt. Es nadd Schtick waar vun de Soviets gemanaget un es sudd Schtick waar vun Amerikaa gemanaget. In 1950, hen die Nadd Korea Leit browiert es sudd Schtick zu nemme. Des hot der Korea Grieg ausgesetzt un der Grieg iss bis zum 1953 gefochde. Am End hot es yuscht en Fried gewwe awwer ken Treaty. So die zwee Lenner sin so gebliwwe. Es Nadd waar Communist un es Sudd waar en Democracy.
Der aerschde Haaptman vun Nadd Korea waar der Kim Il-sung un er waar an der Macht bis 1994. Nooch sei Dod, sei Soh, der Kim Jong-il, hot die Graft iwwergenumme. Er waar der Haaptman bis sei Dod im 2011. Die Kims hen viel Geld an die Military ausgewwe un net so viel Geld an ihre Leit gschpendt. Es hot aa ee paar schlechte Yaahre mit viel Hungersnot gewwe. Viel Leit sin gschtarewe. Die Regiering iss arrig oppressive. Es gebt ken Freie Press odder Freiheit vun Schwetze. Alles kummt vun re Regiering. Im Yaahr 2006, hot Nadd Korea sei aerschde Nuclear Test gemacht. Im Diesember 2011, nooch Jong-il sei Dod, iss sei Soh, der Kim Jong-un an die Macht kumme un er iss allsfatt noch datt. Des Yaahr hot der Jong-un viel meh mit sei Nuclear Brogramm gemacht un hot es weiter entwickelt. Des hot viel Stress zu re Welt gebrocht. Mir wisse net was er duhne waerr. Sie saage ass er nau vielleicht en Inter-Continental Ballistic Missile hot! Des Woch hot der Bresident Trump grefdiche Wadde mit Nadd Korea geyuust.
Annere Lenner in re Welt un die United Nations hen viel Sanctions uff Nadd Korea gschtellt, awwer es macht nix aus zu dem Jong-un. Ich bed ass Fried rauskumme waerr un ken Missiles waerre gschosse sei.
Do iss en Audio Klip:
PA Dutch 101 
I’m a wife who knows the fear of having her husband stationed on the DMZ.
I ask for prayers for all of our soldiers who are stationed there now. And for the children who are old enough to understand that mommy or daddy is in danger. Nadd Korea must be stopped.
Ich pray Gott will stop this insane man from firing any missiles or from doing anything that will cause the lives of our soldiers and for the lives of his own people. Amen 😇
Yes! Not just our soldiers, the people of the whole world are in danger and an irrational response to or from an idiotic leader will only bring more suffering! Threatening him (un) makes him more popular at home. We should want him weaker! (I am gonna translate this now! LOL) Good job, Doug! You continue to amaze me! We are starting our Pa Dutch class in Longswamp again on Sep 7. We meet from 7-8:30 every Thursday in the township building! We would love to have you come visit sometime! It’s just a bit over an hour from Lancaster!
Fred,
Gross Dank fer dei Wadde. Ich waerr vorbeikumme, awwer ich wuhn in State College un sell iss zu weit fer mich uff en Dunnerschdaag dathiezufaahre. Viel Gschpass mit dei Klaess!