Guder Daag Blog Leser! Geschder hawwich en E-Poscht vun en Freind grickt. Was ich gelese hab, hot mich iwwerrascht. Es hot en Link zu en Ardickel iwwer en neier Film. Die Amanda Beard-White, die in Hannover, PA gebore waar, iss nau en Filmmacher. Sie hot gewollt en Film iwwer die Deitsche zu mache. “Zu viel Leit denke as Deitsch iss yuscht Amisch. Ich will en Film mache iwwer uns, die non-Amische Deitsche.” – Beard-White. Dem Film sei Naame iss: “Pennsylvania Dutch: An American Story.” Es laaft 90 Minudde un soll in Schpotyaahr 2016 rauskumme.
Do iss en Link zu der Ardickel: Deitscher Film
PA Dutch 101 
Hallo liewwer Doug,
I hab’ sell mit gross’m Inderesse g’lese, was Du üwer’n neie‘ Film g’schriewwe hosch—bisch Du au im Film? Als Native Speaker vun d’r Mundart, un wu Du au net Amisch bisch, wär’s no viel schöner, wenn se Di hätt‘ mit ei’gschlosse. Du bisch nämli‘ eener vun d’r jüngere Generation, die no Deitsch könne—i nehm a‘, sell hän Dei Eldre doheem g’schwätzt, gell, un Dei Bruder hätt sellre Frau Regisseurin au ins G’spräch bringe solle, gell?! Nu, was Du awwer machscht, isch wirkli zum Verstaune, un dass Du au no perfekt Hochdeitsch dezu kannsch, isch wirkli bewundernswert.
I wünsch Di weiterhin no von allem, was gut isch, nur däs Allerbescht, un Di un Dei Familie wünsch‘ i no viel Spätsommerfreude wie ma‘ uff Hochdeutsch saage duht, un beschde G’sundheet au.
Mit beschde Grüsse aus’m Grossstädtle zum Weschde
Dei
Jim (Jakob) Kramer
„Seller Pittsburgher Kerl“