Iss der Trump en Deitscher?

Guder Daag Blog Leser! Well as viel vun eich schunn wisst, mir in Amerikaa sin graad in der Mitt vun en grosse bolitikal Schlacht. Die Republikaaner un die Demokraate fechde fer ihre Paerson fer Bresident in November. Un was fer en Fecht es iss!

Der Mann mit all die News un Comments iss der Donald Trump, der super reicher Business Mann aus Nei Yarrick Schtadt. Ya, er hot Millyonen odder vielleicht Billyonen vun Dollars in sei Bank Account. Er waar uff em Guckbax mit sei Celebrity Apprentice Show. Nau iss er een vun de Republikaaner, der fer es Weisse Haus geht.

Freinde vun mir hen mir gfroogt eb der Trump en Deitscher iss. Ich waar net ready fer selle Froog. Ich muss ehrlich saage ass ich ken grosse Fan vun dem Trump bin. Un wann sie sell gfroogt hen, waar ich glee bissel iwwerfalle. So ich bin zu der Internet gange um meh Information zu finne.

Ya, dem Trump sei Familie iss aus der Palz kumme! Trumps Grossdaadi, der Frederick Trump, un sei Fraa die Elizabeth Christ Trump sin nooch Amerikaa im Yaahr 1885 kumme. Ihr Heemetschtadt waar Kallstadt in der Palz. In Amerikaa der Frederick hot aagfange Hotels un Essbletz zu baue. Er waar erfolgreich un so waar aa sei Soh un nau sei Kindsbuh, der Donald. Ich hab aa in Internet gefunne ass frieher sei Familyenaame waar Drumpf gschriwwe awwer nooch em Yaahr 1600, hot die Familye es ass Trump gschriwwe. Awwer iss er en Deitscher? NEE!

Viel hochgelannte Leit saage ass fer epper en Deitscher zu sei misse es zwee Dinge gewwe:

1. Die Voreldre hen gemisst aus sudd-wescht Deitschland kumme: der Palz, Rhein-daal, Franken-daal un so weiter.

2. Die Voreldre hen gemisst eb em Yaahr 1840 nooch Amerikaa kumme.

So vun de zwee “Regel” iss der Trump net en Deitscher. Un fer sell bin ich froh.

Do iss en Link zu en News Video iwwer Trumps Heemet in Deitschland: Kallschtadt. Die aerschde fimf Minudde schwetzt iwwer sell. Mir wisse nooch net eb der Trump gwinne waerr odder net. Mol sehne wie die Republikaaner schtimme. Fer uns do in Pennsylvaania, misse mir bis schpot Abrill waarde fer unser Schtimmdaag.

Do iss en Audio Klip: 

9 thoughts on “Iss der Trump en Deitscher?

  1. Jack Speese 06/03/2016 — 17:07

    Trump iss zwar net perfekt, awwer as Businessmann versteht er, ass mer uns net allsfatt weiter verschulde un illegale Einwanderer reinlosse kenne, wenn mer as Nation iewwerlewwe welle. Weder die Hillary nooch der Bernie gleich ich net, die eene duh ich iewwerhaupt net verdraue un der annere iss een Socialist. Na ya, sell iss yuscht meine Meining.

  2. En anner Froog, hot der Kanadaa schunnt en Deitscher fer Prime Minister ghatt ? More precisely, waar der John Diefenbaker en Deitscher ? Er iss gebore imme glenne ludderische Schteddel ass Neustadt gheese iss. Sell Schteddel hot als en Repyuteeschen ghatt fer “Kitchener” PA Deitsch schwetze…. Velleicht en Canadian sett sell uffguucke…

  3. Daniel, ich weess gar nix devun. Es kann sei. Vielliecht will ich glee bissel Research duhe! Gross dank fer die Froog!

  4. Ich hab yuscht heit en bissel Research geduh unn es scheint ass sei Mudder Scottisch waar awwer uff sem Fadder seinre Seit sinn sie riwwerkumme vun Baden um 1850 rum (nooch 1840). Sell deet meene ass sei Familie nie net darich Pennsilfaani gange sinn, unn aa ass sie en bissel schpeet riwwerkumme sinn. Ich glaab ass die Antwatt is net so simpel, however. Sell iss cause die Deitsche ass riwwerkumme sinn in de 1850 henn sich g’assimilated mit de Pennsilfaani Deitsche ass noch in Waterloo Kaundi waare.

    Des do iss en Quote vum Webblatt vun de Pennsylvania German Folklore Society of Ontario:

    “The Pennsylvania Germans in Waterloo County a designation which has persisted although a substantial group never lived in Pennsylvania [yet] had many things in common. Their common dialect was undoubtedly the most pervasive, for it was retained and used widely in homes,churches and communities for at least a century; it is still in use by a substantial number of persons. They were also a religious people, whether from the earliest Mennonite and Amish Mennonite stock, or of the slightly later Roman Catholic, Lutheran and Baptist persuasions. They were also a religious people, whether from the earliest Mennonite and Amish Mennonite stock, or of the slightly later Roman Catholic, Lutheran and Baptist persuasions.”

    In Kanadaa die Definition vun “Pennsilfaanisch Deitsch” scheint velleicht en bissel breeder sei…. es mecht yuscht so sei.

  5. Ich hab en besser source gfunne (mei previous source waar wikitree.com, awwer des nei Source iss en official Document gmacht fer die Taunschip vun Wellesley):

    “George Diefenbacker [sic] (who always spelt his name this way
    until his death in 1907) lived in the village of Hawkesville and was a
    highly skilled carriage, sleigh and wagon maker. He was also the
    grandfather of the late Prime Minister John G. Diefenbaker. George’s
    parents had emigrated to Canada from the Palatinate-Baden region of
    Germany via Holland in the early 1820s. George was remembered as
    strong in his opinions and very independent.”

    Source: Atwater-Hallatt, R. (1999?). 911 Civic addressing: The township of Wellesley Municipal Addressing Conversion Project

    Wie ich gschriwwe hab, des do iss en Babier gschriwwe fer die Taunschip vun Wellesley (en Taunschip mit viele Amisch unn Mennonites heidedaags in p.a. deitsch-country – Hawkesville is wirklich en gans p.a. deitsches Schteddel)

    Sell meent ass er waar en deitscher Prime Minister (nooch unser breedi canadian-i Definition vun “PA Deitsch” – even die Amisch in Wellesley sinn riwwerkumme direct vun Europa in 1820 (unn nett darich Pennsilfaani) unn sie schwetze yo Deitsch)… awwer wees noch net eb er Deitsch schwetze hot kenne….

    Mach’s guut.

  6. Daniel, sell iss doch eppes. Vielleicht soll ich en Blog Poscht iwwerdem iwwer ihn schreiwe! Gross dank fer dei Comments.

  7. Jim (Jakob) Kramer 17/03/2016 — 16:52

    Hallo Liewwer Doug!

    Nu, i glaub’ ja, e “Binsenweissheit” wie ma’s uff gut Hochdeutsch sagt, stimmt hier au: üwwer d’Politik soll ma net rede-od’r zumindeschd net, we’ma däs Gute mit’m Schlechde, däs Süsse net mit’m Bittere a’nehme will!!!
    Trump isch deutscher Abstammung, awwer i würd‘ net b’haupte, er sei e „Deitscher“ im Sinn vun Pennsylvaanisch Deitsch od’r sogar eng met d’r Heemat verbunde. Sei G’sinnung isch halt zu „englisch“, wie’s die Amischleit däte wohl saage!
    Üwwer sei Fähigkeete im Handel-un B’ruf will i nur dies saage: viermol hot `r Bankrott erklärt. Däs saagt doch Bände, od’r? Un ausserdem isch `r kaum, was ma unner konservativ v’rsteht. Kann denn d’r Leopard sei Sprosse wechsle? Kann e Zebra uffemol ganz weiss od’r ganz schwarz werde? Nu, jedem däs Seine, wie ma au no so schö saage duht!

    Hauptsach‘ isch, ma sollte doch ufftauche, wähle, un hoffentlich net so „mir nix dir nix“, sondern mit’m G’hirn dohinter! Däs isch freilich nur mei Meinung. Wer saagt, ma hawwe net’s Recht, sich zu b’klaage, wenn’r net g’wählt hot, seller hot au net recht: wer die Staatsbürgerschaft entweder vun G’burt hot od’r durch „Naturalisierung“ b’komme hot, isch Amerikaner, schlicht un ee’fach. Duht er die Steier (Steuer) b’zahle, un duht er so schaffe wie er nur ka‘, isch er net weniger amerikaanisch wie e jed’r, wu immer erscheine duht un seller „Hewwele“ (den Hebel) zieht! (Bei uns hän die Maschine solche Hewwele g’hot, jetztle muss ma’n Knöpfle drücke—s’isch schier dasselbe, gell net?!).

    I hoff, alle werde im Novemb’r doch erscheine un wähle, un däs doch mit Noochdenke un, wenn i’s saage därf, viele G’bete dezu!!

    Mit schönschde Pittsburger-Grüsse

    Dei
    Jim (Jakob) Kramer
    Seller Kerl vun Du weescht doch wo!!! 🙂

  8. Michael Erber 27/04/2016 — 11:11

    Hallo Jim,

    ich suche Dich schon lange. Schreib doch mal!

    Michael Erber aus Augsburg – michaelerber(at)aol.com

  9. Mei Mudder hot gsagt, Geld regiert die Welt!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this:
search previous next tag category expand menu location phone mail time cart zoom edit close