2016 iss en Schalkyaahr!

Guder Daag Blog Leser! Ya, es Yaahr 2016 iss en Schalkyaahr. Es kummt yuscht ee Mol alle vier Yaahre un es iss widder do. Fer des Blog Poscht hawwich gewollt eppes iwwer der 29. Hanning zu schreiwe. Was iss alles uff sellem Daag bassiert? Do iss en katze Lischt vun wichdige Events uff em 29. Hanning:

1. 1504 – Der Christopher Columbus yuust sei Wissenschaft vun en Finschderniss am Mond selle Owed um die Insching zu iwwerweise  ihm Dinge zu gewwe.

2. 1796 – Der Jay Treaty gschwischich Amerikaa un England bringt zehe friedliche Yaahre gschiwischich die zwee Lenner.

3. 1916 – In Sudd Carolina, Kinner yinger as 14 Yaahre alt daerfe net meh in die Factories schaffe. Bevor waar es 12 Yaahre alt.

4. 1940 – Fer ihr Roll ass Mammy in “Gone with the Wind”, die Hattie McDaniel iss die aerschde Afrikan-Amerikaanerin um en Academy Award zu gewinne.

5. 1988 – Sudd Afrikaaner Archbischoff Desmond Tutu iss in Bressen gschickt mit 100 annere Paare darich en 5 Daage Anti-Apartheid Demonstration in Cape Town.

6. 1996 – Faucett Flight 251 iss in die Andes runnerkumme, all 123 Leit uff em Luftschiff sin gschtarewe.

Do iss en Lischt vun de wichtige Leit die sin am 29. Hanning gebore:

Baapscht Paul III (1468), Ann Lee, die Grinderin vun de Shakers (1736), Jimmy Dorsey, gut bekannte Musiker (1904), un die Dinah Shore, Saenger un Actress (1916).

Es gebt nix abbadiches fer der 29. Hanning in unser Deitsche Kuldur. ‘Sis yuscht en annere Daag im Yaahr. Awwer wie viel vun dihr schunn wisst, do in Amerikaa schtimme mir yede Schalkyaahr en neier Bresident ab…un so duhne mir widder des Yaahr in November!

Do iss en Audio Klip: 

 

1 thought on “2016 iss en Schalkyaahr!

  1. Jim (Jakob) Kramer 01/03/2016 — 17:38

    Hallo Liewwer Doug,

    I find’s ja rechd inderessant, dass Du “Schalkjahr” g’schriewe hosch. E Schalk isch ee Stuf niedriger wie e Gauner, so haww’ i däs immer aus’m Hochdeitsche verstanne. Nu, do isch so viel uff Pennsylvanisch, was i nur halbwegs verstehe. Nee, däs stimmt awwer au net recht. O’g’fähr achtzig Prozent verstehe i glei, un beim Noochdenke wird däs Meeschde glor wie Krischdall!!
    I denk‘ so jedes Johr im Munet Hornung (Februar) a‘ die liewwe Frau Landefeld, weil se doch am Schaltdag g’bore wore isch. Se isch aus Weschdfale g’wä, un hot e schee’s Hochdeutsch g’redet g’hot. Au Franzeesisch haww’i mit ihr g’swchätzt, weil ihr Vaddr Franzose g’wä isch. So e liewe Person, un denk mol, alle vier Johr erschd hot se `r G’burtsdaag feire könne! Se isch nooch seller Rechnung schier gor erschd e Mädle g’wä, wie se g’schtorwe isch. (Se isch mit o’g’fähr 80 Johr‘ g’storwe, also isch däs wenn i mi net „v’rrechnet“ hab‘ erschd 20!!). Se wor e Mitglied vun d’r Kirche, wu i acht Johr lang Orjel g’spield un d’n Chor g’leitet hatt‘ (die ehemalige „Deutsche Vereinigte Evangelische Kirche von Birmingham“, welche sich im Lauf‘ d’r Zeet zur „Birmingham United Church of Christ“ entwicklt hot. I bi’ net in so’r Kirch‘ uffg’wachse, awwer die isch ziemli‘ ähnlich wie die Lutherische g’wä, weil d’r Paschdor ziemli konservativ wor. I bi‘ awwer Baptischt un hab‘ awwer in allerlei Kirchle im Lauf d’r Johr‘ g’dient—un au in e poor Synagoge dezu. I hab‘ scho lange 2 Karriere g’hot, un jetztle awwer spiel‘ i nur, we’ma mi froogt. I will’s net jede Woch no mache).
    Nu, e frohen O’fang zum Frühling un mit d’r Hoffnung, dass bei Eich do im Oschde vun Pennsylvania däss Wedder schö oder zumindeschd net schlimm sei wird, un däs der März eher net wie e Löwe ausfalle wird!
    Mit schönschde Grüsse an Di, Dei Frau, an Döchderle un Söhnle sowie alle Dei Liewe,

    Dei

    Jim (Jakob) Kramer
    [Seller Pittsburgher Kerl]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close