Der Weddermann

Guder Daag Blog Leser! Well, do hock ich mich widder in der Mitt vun en grosser Schneeschtaerm in Pennsylvaania. Es ganze Woch hemmer iwwer es gheert. Un wer hot uns alles gsaat? Der Weddermann nadierlich. Es gebt es Witz in Englisch: Welle Tschopp kann halwer die Zeit Recht hawwe awwer nooch die Tschopp bhalde? – Der Weddermann! So ich hab gedenkt as selle Woch waerr ich en Gedicht an dem Weddermann schreiwe.

Der Weddermann

Yaahre zerick hot es ken Weddermannsleit gewwe,

die Leit hen ihr Wedder vun en Kalenner grickt.

Nau hemmer Satellites un Radar fer es Wedder vorzusaage.

Ya, der Weddermann iss net en Brofeet awwer en Scientist!

Mir hocke uns var unser Guckbax odder unser Waddefresser,

mir griege Alerts un kenne es Wedder fer meh as 14 Daage seh.

Die Weddermannsleit hen viel Graft iwwer uns,

die saage Rege un mir mache unsere Blaane mit en Umbrell,

die saage Schnee un mir kaafe Millich, Brot, un Briwwibabier.

Awwer es grosse Broblem iss ass mannichmol hen sie net Recht.

Ya, mannichmol saage sie as mir zwelf Zoll Schnee griege waerre,

un mir griege yuscht zwee!

Awwer sie waerre widder der naegschde Daag uff der Guckbax sei!

Yawell, so iss es heitzudaage, awwer ich bin en guder Deitscher,

un fer uns, es gebt yuscht ee Weddermann: die liewe Grundsau!

Ich hoff as all vun mei Blogleser der Schtaerm “Jonas” iwwerlebt hen. Wu ich wuhn, solle mir yuscht zwee bis vier Zoll griege. As ich des Poscht schreib, hemmer schunn ee Zoll grickt awwer es iss noch am schnee-e. Mol sehne eb der Weddermann widder Recht ghatt odder nicht.

Do iss en Audio Klip: 

2 thoughts on “Der Weddermann

  1. Isolde Amschlinger 23/01/2016 — 17:01

    I like Pennsilfaanisch.

  2. Jim (Jakob) Kramer 04/02/2016 — 17:53

    Hallo Doug,

    Bin no do, nur ka’ I net imm’r v’rbeischaue. Mer hän au e ganz schö’s Bissele Schnee g’kriegt! O’g’fähr 7 Zoll senn g’falle! I hoff‘ ja, Du un Dei Familie habt’s gut üwwerlebt. Nu, mer senn doch Pennsylvanier, gell net? I muss imm’r wied’r lache, wenn sich annere Pittsburgherle drüwer b’klage: sell isch doch’s übliche Wedder, gell net?
    I hoff‘ ja au, Du hosch e „gut’n Rutsch ins neie Johr“ g’haat, un dass es Eich alle nur Beschdens gaht.
    Nomols schönschde Grüsse aus’m Groβstädtle zum Weschde vun eich,
    Dei
    Jim (Jakob) Kramer
    (Seller Pittsburgher Kerl

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close