Guder Daag Blog Leser! Der Schaffdaag in Amerikaa iss en Feierdaag uff der aerschde Mundaag in September. Es ehrt die Amerikaanische Arewet Reging un die Contributions die die Schaffleit gemacht hen zu der Graft, der Gedeihing, un der Gsundheit unser Land.
Schaffdaag waar zugschproche vun der Central Labor Union un die Knights of Labor. Die Knights hen die aerschde Schtrutz in New York City georganized. Nooch der Haymarket Metzling in Chicago uff em 4. Moi, 1886, Bresident Grover Cleveland hot Bang ghatt as Schaffdaag uff em aerschde Moi kennt en Gelegeheit sei um die Metzling zu erinnere. So, im Yaahr 1887, der Feierdaag in Amerikaa waar nooch September gezogge. Kanada feiert aa in September awwer es gebt meh as 80 annere Lenner die feiere uff em aerschde Moi.
Die aerschde paar Schaffdaage hen Schtrutze mit Picnics. Der Feierdaag iss die unofficial End vun em Summer un viel Kinner misse zerick in die Schul geh. Fer die gut gegleederd Leit, net vergesse as nooch em Schaffdaag soll mer net meh weisse Gleeder aahawwe.
Was macht eier Familye uff Schaffdaag? Hoscht du aa en Picnic?
Do iss en Audio Klip: Schaffdaag
PA Dutch 101 
Liewwer Doug,
Dei Forschung isch wirkli zum B’wundere! I hab‘ gor net g’wusschd, was es für e G’schichd‘ onser Arweet’rdaag od’r wie Du mol g’schriewwe hoscht, Schaffdaag hot!
Vun sell’re Regele üwer weisse Gleeder ka‘ i nur saage: in Pittsburgh isch’s halt d’r Fall, dass viele erschd jetztle mol g’scheite Gleeder a’ziehe müsse: dene ganze Sommer lang hän viele jüngere Leit so gut wie gornix a’g’hot!!! Od’r wie ma es heitzigsdaags saage ka: „Se hän Fetzele g’draage, die zu spät a’fange un zu früh uffhöre!“ So isch es in d’r heit’ge Welt, gell net?!!! Awwer Du hoscht doch gute Werte un Sitte, un duscht sellere net nur pflege, Du bringscht au Dei Kinderle gute Maniere bei, sell isch klor.
Mit schönschde Grüsse nomols aus’m Groβstädtele zum Weschde
bin i
Dei
Jim (Jakob) Kramer
[Seller Pittsburgher Kerl]