76. Barricks Kaunty Versommling!

Guder Daag Blog Leser! Letschder Mundaag waar ich widder heem in Barricks Kaunty. Yede Oschdermundaag iss die yaehrliche Barricks Kaunty Versommling uff em Leesport Vendu Hall. Wie letschdes Yaahr, hawwich widder en Video vun em Owed gemacht. Un do iss dem Yaahr sei Video! Viel Gschpass bei aagucke.

76. Barricks Kaunty Versommling Video

5 thoughts on “76. Barricks Kaunty Versommling!

  1. Fer en Canadian, s’ iss indressant “God Save the Queen” in Deitsch heere….. S’ iss en Schaertz….. 🙂

  2. Daniel, es Lied “Amerikaa” waar unsere unofficial National Anthem in Amerikaa in em 19 Jaahrhundert! Un mit der gleiche Melodie as “God Save the Queen.” Unser Deitsche Version iss graad vun em Englische iwwersetzt! Du settscht mol Oh Canada uff Deitsch iwwersetze fer mei Blog! Mach’s gut!

    -Der Doug

  3. Im Geischt vun de Mennischde (unn my Amische Voreldere aa) in de Schteets ass duhne ebmols “America the beautiful” schpiele var ihre Beesballe Maetsches so ass ken military Liedel singe, geb ich dir re Adaptation vun me patriotic Quebec Liedel wehe unser kalt Land gschriwwe vun em Gilles Vigneault gmixt mit me Gedicht vun meinre Grossmudder ihre Cossin, der Isaac R. Horst (1918-2008). “Mon pays ce n’est pas un pays, c’est l’hiver” unn “Es iss Winder”.

    (Vaerscht 1)
    Wann’s Wedder kalt is, Grund gedeckt mit Schnee,
    Sitz ich doh in meim Schtul mit mei Fiess in der Heeh.
    Ich gleich noch naus gucke wann ich beim Fenschder sits,
    Wann ich beim Waarme bin, beim Offe sei Hitz.

    (Chor.) Mei Land, s’iss ken Land, s’iss der Winder,
    Mei Gaarde, er iss ken Gaarde, s’iss die Landschaft,
    Mei Paad, s’iss ken Paad, s’iss der Schnee,
    Mei Land, Kanadaa, s’iss der Winder.

    (Zwett Vaerscht)
    Es waar net so, lang zrick; wann’s gschneht hot, waar ich froh.
    Die Belle hen grappelt, wann’s gschtermt hot un gschneht,
    Die Schlidde-bax waar voll mit Buwe un Maed.

    (Chor.) Mei Land, s’iss ken Land, s’iss der Winder,
    Mei Gaarde, er iss ken Gaarde, s’iss die Landschaft,
    Mei Paad, s’iss ken Paad, s’iss der Schnee,
    Mei Land, Kanadaa, s’iss der Winder.

    (Vaerscht 3)
    En Schneemann hen gmacht, odder en Oschderhaas,
    Mit Kohle fer Aage, Gelhrieb fer die Naas.
    Oft hen Schlidde gfaahre, iwwer Hiwwel un Eis,
    Un alsemols umgrollt, un waare ganz weiss.

    (Chor.) Mei Land, s’iss ken Land, s’iss der Winder,
    Mei Gaarde, er iss ken Gaarde, s’iss die Landschaft,
    Mei Paad, s’iss ken Paad, s’iss der Schnee,
    Mei Land, Kanadaa, s’iss der Winder.

  4. Die Myuusick fer es Liedel:

  5. (ich hab’s Liedel en bissel schtarick zaamegeduh…. mit aus Gedenke wehe Rhythm, nix, unn die Chorus sett waahrscheinlich different Wadde hawwe fer yedes Mol ass sie gsunge iss (z.B. mei Haus, s’iss ken Haus, s’iss die Kelt”)… awwer ich hab mich zu gdappelt.)

    Mach’s guut!
    Daniel

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close