Guder Daag Blog Leser! Selle Woch is der Oschder ihr Fescht so ich hab gedenkt as en guder Poscht waerre die Gschicht vun dem Yesus sei Dod un sei Ufferschtehing. Letschdes Yaahr hawwich iwwer mei Familye ihre Oschder Traditions gschriwwe awwer selles Yaahr denk ich mir solle an die Grund fer es Fescht denke. So, do is dem Yesus sei Gschicht vun de varzehte, fimfzehte un sechzehte Kabiddel em Evangelium vum Markus. Selle Iwwersetzing is vun der Ralph Charles Woods. Er hot es im Yaahr 1968 fer die Pennsylvaania Deitsche Gsellschaft geduh. Viel Gschpass bei Heere!
Do is en Audio Klip: Dem Yesus sei Gschicht.
Ich winsch all mei Blog Leser en halliche Oschder!
PA Dutch 101 
Hallo Liewer Doug,
Daheem haww i e recht inderessande Üwersetzung vum Neie Deschdament uff Pennsylvaanisch allerdings gor net nooch’m Syschdeem vun „Preston-Barbington“ g’druckt (v’rfasscht). Hosch v’leichd dervo‘ g’hört? I wees net, wie viele ma devo‘ v’röffentlicht hot—un leid’r isch d’r Lade, wu i’s Büchle g’kaaft hab’, leid’r net meh do (D’r ehemalige Yoder’s Market in Grantsville, Maryland). Ma hot net aus d‘r „King James 1611“ Version odr aus d’r Lutherbiwel üwersetzt, ma isch statt desse zu dene Urtexte uff Griechisch g’ange un seller Üwersetzungspraxis vun dene „Wyclyffe Bible Translaters“ g’mäss vorgange. Leid’r macht’s mei Äugele e bissele zu schaffe, weil’s net grad in Grossdruck stoht, dezu muss i mei deitsche Brille abnehme un mei englische a’lege, um draus klug zu werde!! Immerhin isch däs awwer eppes Inderessandes, dezu hot ma glaub‘ i au die Psalme drin, awwer däs kann i im Moment net hunnert Prozent saage, weil i’s Sächele nur selde zur Hand nehm‘ und momentan in unsrer Bibliothek hocke!
Nomols wünsch i Di un Dei liewwe Familie un alle do „im Oschde“ e recht frohes Oschdrefeschd, un wenn i’s manchmol vergess‘, es Di zu saage: e wohrer Sege bischt Du, weil Du net nur an Di selwer denkscht sondern au an uns Leser un die Leserinne, wu gerne Deitsch schätze. Alles Beschde,
Dei
Jim (Jakob) Kramer
Seller Pittsburgher-Kerl