En Schnee Gedicht!

Guder Daag Blog Leser! Des Woch hemmer do in Nadd-Oscht Amerikaa en grosser Schneeschtarm. So ich hab gedenkt as es en guti Zeit waar fer en Schnee Gedicht. Ich kenn schunn en arrig gude Gedicht vun dem Robert Frost, so ich hab es iwwersetzt. Des iss net es aerschdes Mol as der Robert Frost en Bsuch uff mei Blog gemacht hot. Letschdes Yaahr hawwich en annere Gedicht vun ihm iwwersetzt. Do iss en Link zu sellre Poscht:

Der Robert Frost Poscht 1

Awwer des Mol will ich sei bekannte Gedicht: “Stopping by the woods on a snowy evening” iwwersetze. Der Frost hot selle Gedicht im Yaahr 1922 gschreiwe. Viel Gschpass bei Lese.

winter-snowy-forest-wallpaper

Schtoppe in dem Busch uff en schneeige Owed

Wem sei Busch des sin, denk ich as ich kenn.

Sei Haus iss doch in em Schteddel;

Er waerr mich net sehne as ich do schtopp,

Um zu hiede as sei Busch mit Schnee ufffile.

 

Mei gleener Gaul muss denke as es eefeldich iss

Zu schtoppe mitaus en Bauerehaus bei

Gschwischich dem Busch un gfrorenes Wasserloch

Der dunkeleschte Owed im Yaahr.

 

Er gebt sei Geilsgscharrglocke en schiddele

Um zu frooge eb es en Fehler gebt,

Der eenzigschde Klang iss der Schwung

Vun leichtem Wind un Flock.

 

Der Busch iss lieblich, dunkel un dief,

Awwer ich hab Verschpreches zu behalde,

Un Meile zu geh eb ich schloff,

Un Meile zu geh eb ich schloff.

Ich hoff as all mei Blog Leser der Schtarm iwwerlebt. Bei mir hemmer 6 Zoll Schnee grickt. Un wann du ken Schnee grickt hoscht, mach dei Aaage zu un du kannscht es in dei Gedenke sehne. As ich schreib des Poscht, saage die Wettermannsleit as uff em Sunndaag solle mir widder en Schtarm griege, selles Mol 6-12 Zoll! As ich rumgeh mit mei Schneeschmeisser, waerr ich an des Gedicht widder denke.

Do iss en Audio Klip: En Schnee Gedicht

1 thought on “En Schnee Gedicht!

  1. Jim (Jakob) Kramer 06/03/2015 — 14:07

    Hallo Liewwer Doug,
    Nooch langer Zeet bin i z’rückg’kumme-‘s Wedd’r isch so schlimm g’wä, dass i halt jed’n Daag heemg’kumme bi‘ un hab‘ awwer nix g’macht! E Faulenzerle bin i net vun Nadur, däs musschd wisse, nur hab‘ i mi net v’rkälde welle. In mei’m Alder muss ma endlich a’fange, e bissele uff sich uffzupasse.
    Eemol hab‘ i e Kassette vum Robert Frost g’hört, e Englischprofessorin hot sell für uns in Tennesse vorg’spielt. D’r Frost isch g’nau die Art vom Mann g‘wä, wie mer in Pennsylvania von Nei-Engländlerle beziehungsweise Bostonerle erwarde: e bissele „salzig“, wenn i’s so saage darf!! G’nau sellre G’dicht vum Winder hot `r ausführlich ausg’legt un sei manchmol eppes drockene Kommentare hot `r au hinzug’fügt. Am Schluss hot `r uns no zum Lache g’brachd: Er hot g’saagt, die Leit däte andauernd g’froogt, was für Verspreche `r domols zu halde g’hot hot. D’r gude Herr Frost hot g’saagt: „Wenn i g’wünschd hätt, dass Sie se wisse, hätt‘ i se g’nannt!!!“ No schöner isch’s uff Englisch g’wä—mei Üwersetzung bringt net des richtige Salz dezu zum Vor’schei‘: „If I’d wanted you to know, I’d have told you!“

    I hoff‘ ja, Di un Dei Familie gaht’s nur beschdens, un dass Ihr alle bei sellem schlimme Winder warm seid!

    Mit schönschde—wenn au „verschneide“—Grüsse aus `m Weschde

    Dei
    Jim (Jakob) Kramer
    Seller Pittsburgher Kerl

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

%d bloggers like this:
search previous next tag category expand menu location phone mail time cart zoom edit close