Guder Daag Blog Leser! Es Yaahr 2015 iss es 150. Yaehrlichfescht vun em Amerikaanische Birgergrieg sei End. So des Woch will ich eich en bekanntes Gedicht aus em Birgergrieg gewwe. Es Gedicht waar vun em George Cooper in 1863 nooch em Schlacht in Gettysburg gschriwwe un dann der Stephen Foster hot en scheene Melodie gschriwwe. Die Wadde sin arrig schee un Mehningsvoll. In Ehr vun all die Soldaate, die in em Grieg gschtarewe sin, gewwich des Poscht.
Fer die liewe alde Faahne, schtarewe ich
Fer die liewe alde Faahne schtarewe ich, hot der verwundete Drummerbu gsaat.
Mudder, drick dei Lefts zu mei bei; O sie bringe mir Fried un Freed!
‘Sis es letschde Mol uff re Aerd, as ich dei Gsicht sehne soll,
Mudder nemm mich zu deinre Hatz, loss mich in dei Behaerz schtarewe.
Fer die liewe alde Faahne schtarewe ich, Mudder, drickel dei brillende Aage;
fer die Ehr unser Land, un die liewe alde Faahne schtarewe ich.
————-
Drauer net, mei liewe Mudder,
alle Schmatz waerr bald vorbei;
Ich kann die Engel Baend heere, sie rufe vun em schtannigen Ufer;
nau sehn ich ihre Faahne in es fehlerfreie Daageslicht schwenke,
awwer ‘sis hatt vun dir weckzugeh,
doch ich daet net do bleiwe.
Fer die liewe alde Faahne schtarewe ich, Mudder, drickel die brillende Aage;
fer die Ehr unser Land un die liewe alde Faahne schtarewe ich.
—————
Mach’s gut Mudder, em Dod sei kalte Hand wiege sich uff mei Geischt,
un ich fiehl sei peschdige Ochdem, fach mei bleechene Backe un Schtann.
Neecher! Neecher! zu dei Hatz, loss mich fiehle as du dobei bischt,
diweil mei Aablick waxt drieb, fer die liewe alde Faahne schtarewe ich.
—————-
Do iss en Link fer des Gedicht as en Lied uff Englisch: es Lied
Do iss en Link zu en Ardickel uff Englisch iwwer Dummerbuwe in em Grieg.
Do iss en Audio Klip: En Birgergrieg Gedicht
PA Dutch 101 
Hallo Doug!
I hoff, Eich gaht’s beschd’ns, un dass Dei Büwele Oscar jetztle au G’sundheet g’niesse duht.
Danke für Dei G’dichd üwer’n amerikanische Bürg’rkrieg. Vor e poor Johre isch mei „Adoptiv-Tante“ g’storwe: Fraa Rosine Bucher geb. Ilgenfritz. Ihr Urgrossvadd’r isch e Soldat im Bürgerkrieg g`wä, un wenn i mi hätt‘ irgedeppes wünsche könne, so wär’s däs Bildle, was se so im Schlafzimmer uff’m Nachttischle stehe g’hot hot: e Bild von sich uff’m Schoss vum Ur-Opa, als se bloss drei Johre alt g’wä isch. Du kannsch Di wohl vorstelle, wie uffregend i däs doch g’funne hab‘: se hot so e gutes G’dächtnis g’hot, so gut wie nix aus `rer Kindheet hot se je vergesse, alles hot se v’rzählt un mit Eenzelheete wie sonscht keener es hätt‘ besser saage könne! Se hot mi vun sellem Ur-Opa v’rzählt, wie `r manchmol uff’m Sessele ei’gschlafe isch, do sei se zu ihm g’kumme un hot um e G’schichte g’bete, wie er awwer g’antwort’t hot, er möcht‘ doch schloofe, dann hawwe se ihn mit d’r Handfläche uff sei „Owerschenkel“ g’schlage, dass `r z’nächschd g’saat hot, na, se solle sich doch uff sei Schoos setze, dann hot `re ihr entwed’r eppes Schö’s v’rzählt od’r (von mei’m Standpunkt aus sogar no schöner!) ihr g’saagt, wie ma’s Alphabet ausspreche soll! Net grad däs Lese hot `r se g’lehrt, awwer die Buschstawe scho!
Nu, i schätz‘ Gettysburg sehr, bin sogar drei od’r viermol do g’wä, un wenn i wähle könnt‘, wo i mi in Amerika niederlasse würd‘ (wenn i’s nötige Geld hätt!), wär’s wohl sellre Gegend, nadürlich awwer net do, wo ma die „outlet stores“ un so eppes hot!!
Mit schönschde Wintergrüsse aus’m Weschde un mit beschde Wünsche für e gutes Johr 2015 un weiterhin beschde G’sundheet un Freude
Bin i
Jim (Jakob) Kramer
[Seller Pittsburgher Kerl]
Bishd en native schpeaker fun Deitsch, odder hushd Deitsch as tzwett schbrooch glannt?
Montgomery,
Ich hab es as en Kind vun mei Grosseldere un Eldere glannt.