Ee paar Witze!

Guder Daag Blog Leser! Selle Woch will ich eppes luschdig bringe. Uns Deitsche gleiche gschpassige Gschichte un Witze zu saage. Un nooch ee lange Arewetswoch, braucht mer eppes luschdig. So do sin drei Witze in re Mudderschprooch:

Zwee Bauere sin am schwetze:

Jake: “Ich hab en Gaul kaaft, sie fresst wie en Sau, saaft wie en Kuh awwer sie losst mich net reide.”

Johnny: “Gell? Sie kummt aus Lebnan?!”

Jake: “Ya, wie hoscht du sell gewisst?”

Johnny: “Mei Fraa iss aa vun datt.”

En alter Bauer waar naus ins Feld am schaffe bis es dunkel waar. Iwwer ihm hot es ganz hell grickt und wann er aa uffgeguckt hot, hot er aa en grosse Spaceschiff gsehne. Die Schiff iss nunner ins Feld kumme und die Dier iss uffgemacht. En grosse Creature iss rauskumme, mit en grosse Kopp, drei Aage und griene Haut. Der Bauer waar so ferschrogge , un saagt ‘Ay du Gott im Himmel!’ Der Spacemann dann schtoppt und hot gsaat ‘” Ach duhscht du aa Deitsch schwetze’!

En Mann waar vun de Polis weg’laafe un iss uff ‘ne Bauerei in Lengescher Kaundi kumme. Nooch so viel Laafe hot er nadierlich arrig Darscht g’hatt un hot sich am Wasserloch hieghockt um datt draus zu drinke. En Bauer hot ihn gsehne und ihn uff Deitsch gsaat: “Nix draus drinke, liewer Freind! Die Sei hen drinne gschisse!” Der Mann hot ihn ganz bees gantwadde: “Du dummer Hund! Dei deitsches G’babbl verschteh ich net! Schwetz mol Englisch!” Dann hot der Bauer ihm gsaat, selles Mol uff Englisch: “Zum Drinke sott du allebeed Haende yuuse, es geht viel besser!

Ich hoff as dihr glee bissel heit gelacht hett. Ich lieb Witze, so wann dihr meh Witze uffs Deitsch wisst, seid so gut un schick sie zu mir!

Do iss en Audio Klip:

 

1 thought on “Ee paar Witze!

  1. Liewwer Doug!

    Du hosch domit eppes ganz Wunnerbares g’macht: Humor un eppes, was ons d’n Daag no heller macht, un lache sei g’sund–so saagt ma ja.

    E Witz aus alder Zeet—vun mi in mei Mundart üwersetzt. Hoff‘ ja, däs duht di au no gut g’falle:

    Zwee Herre hocke im Zug un fahre nooch’m Norde. Z’nächschd komme zwee taube Leit `rei. Selle mache allerlei Handb’wegunge un Zeiche in d’r Zeichesprooch, wie’s bei dene so üblich isch.

    Uffemol schtoht d’r eene Herr uff un fangt au a‘, mit dene zwee Neie uff d’r Zeichesprooch zu schwätze. Sell gaht e Weile luschdig zu.

    D’r annere Herr isch v’rblüfft un saagt: Mei, däs hosch awwer gut g’macht—schier wie wenn’s e Kinnerspiel wär‘!

    D’r Herr (wu uff Zeichesprooch g’schwätzt hot) saagt `em: ,,Nu, sell kann i ja, weil i’s dene Beide g’lehrt haww!”

    Saagt d’r annere: ,,Ach so!”, wie nur e Deitscher sell ausdehen ka‘—,,Ach soooooooooooooooooooooooo!”, do isch däs also e frohes Wiederseh’ mit Dein’re Schüler, gell net?

    Nee, saagt d’r Herr, eege’tlich net. I ka‘ sellre niedersächsische Mundart gor net aushalde!!

    ***

    Mit schönschde Mundart-Grüsse aus d’r ehemalige Stahl-un Eisestadt, wu ma uff Englisch au e luschdige Mundart schwätze duht,
    Dei
    Jim Kramer
    Seller Pittsburgher Kerl

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this:
search previous next tag category expand menu location phone mail time cart zoom edit close